काठमाडौं । जापानी मोटरसाइकल निर्माता कम्पनी सुजुकीको नयाँ स्कुटर नेपाल भित्रने भएको छ । नयाँ वर्ष लक्षित गरेर नेपाली बजारमा एभेनिस नेपाल ल्याउने तयारी भइरहेको कम्पनीले जनाएको छ ।
सुजुकी मोटरसाइकल तथा स्कुटरको नेपालका लागि आधिकारिक विक्रेता कम्पनी भीजी सुजुकीले एनटर्क १२५ को प्रतिस्पर्धी स्कुटर एभेनिस नेपालमा सार्वजनिक गर्ने तयारी थालेको हो ।
कम्पनीले केही समय अगाडि भारतीय बजरमा सार्वजनिक गरेको सुजुकी एभेनिसले राम्रो बजार पाइरहेको छ । आज हामीले सुजुकी एभेनिस र एनटर्क १२५ बीच तुलना गरेका छौं ।
लुक्स
कम्पनीले सुजुकी एभेनिस १२५ एनटर्क १२५ जस्तै स्पोर्टी लुक र सार्प डिजाइनमा निर्माण गरेको छ । यी दुईको डिजाइनमा कुन राम्रो भनेर भन्न गाह्रो नै पर्छ । यसमा फ्रेस डिजाइनको फाइदा सुजुकीले उठाउन सक्छ ।
फिचर
फिचरको कुरा गर्दा यी दुई स्कुटरमा धेरै भिन्नता पाइँदैन । मूख्य फिचरका रुपमा यी दुवै स्कुटरमा ब्लुटूथ केनेक्टिभिटी, एप वेस कनेक्टिङ फिचर, चार्जिङ पोर्ट, डिजिटल कन्सोल, एलईडी हेडल्याम्प तथा एलईडी डीआरएल यी दुवै स्कुटरमा उपलब्ध छ । सुजुकि एभेनिस १२५ मा फ्रन्ट ग्लोभबक्स, साइड स्ट्यान्ड इन्जिन कट फिचरको एड्भान्टेज रहेको छ । तर एनटर्क १२५ मा यसको अन्डरसिट स्टोरेज क्षमता सुजुकी एभेनिसभन्दा झन्डै डबल रहेको छ ।
इन्जिन
इन्जिनको कुरा गर्दा एनटर्क १२५ सुजुकी एभेनिसभन्दा अगाडी रहेको छ । एनटर्क १२५ मा रहेको ३ भल्भ १२४.८ सीसी इन्जिनले १०.२ पीएस पावर र १०.८ एनएम टर्क जेनेरेट गर्दा सुजुकी एभेनिसमा रहेको २ भल्भ १२४.३ सीसी इन्जिनले ८.७ पीएस पावर र १० एनएम टर्क जेनेरेट गर्छ ।
निष्कर्ष
टीभीएस एनटर्क विगत ३ वर्षदेखि ग्राहकको मन जित्न सफल स्कुटर रहेको छ । २ वर्ष लगातार स्कुटर अफ दी एयरको उपाधि विजेता एनटर्क १२५ परीक्षण भइसकेको स्कुटर हो । त्यसैगरी हालै मात्र सार्वजनिक भएको सुजुकी एभेनिस १२५ भने ग्राहकबाट परीक्षण हुन बाँकी रहेको छ । भविष्यमा यसले कस्तो बजार पाउँछ भनेर हेर्न भने बाँकी नै छ ।
