काठमाडौं । महानगरीय ट्राफिक प्रहरी महाशाखाले १०३ एसएमएस समेत गर्न सकिने सेवा सञ्चालनमा ल्याउने भएको छ ।
यसअघि फोनबाट मात्रै ट्राफिक जानकारी लिन तथा गुनासो गर्न पाइने व्यवस्था भएकोमा अब महाशाखाले एसएमएस सेवासमेत संचालनमा ल्याउन लागेको हो ।
महाशाखा कार्यलय प्रमुख बसन्त पन्तका अनुसार चाँडै नै ट्राफिक महाशाखाले १०३ एसएमएस संचालनमा ल्याउने छ ।
‘हामी त्यही विषयमा काम गरिरहेका छौँ, चाडै एसएमएस मार्फत गुनासो लिने र जानकारी दिने काम सुरु गर्ने छौँ,’ पन्तले भने । त्यसको लागि अब केही समय भने कुर्नु पर्नेछ ।
