काठमाडौं । सिप्रदी ट्रेडिङले आफ्नो सर्वाधिक सफल ह्याचव्याक कार टियागो ईभीको फेसलिफ्ट बिक्री सुरु गरेको छ । कम्पनीले हिजो साँझ काठमाडौंमा एक विशेष कार्यक्रम आयोजना गरेर नयाँ टियागो ईभीको बिक्री सुरु गरेको हो ।
टाटा मोटर्सले टियागो ईभीको फेसलिफ्ट मोडलमा एक्स्टेरियर र इन्टेरियरमा परिमार्जन गरेको छ । तर, नयाँ टियागोमा मेकानिकल परिवर्तन भने भएको छैन ।
नेपालमा सफल ह्याचव्याकमा के कस्ता परिवर्तन भएका छन् भन्ने विषयमा हामीले यहाँ जानकारी दिने प्रयास गरेका छौं ।
बाहिरी डिजाइनमा फरक
नयाँ टियागो ईभीमा यसअघिको हलोजीन लाइटलाई परिवर्तन गरेर एलइडी लाइट प्रयोग भएको छ । अगाडि ग्रीलमा रहेको ईभीको व्याच हटाइएको छ । अहिले बिक्रीमा रहेको टियागोको क्लोजअफ नोज मूनी रहेको ब्लुस्ट्रीपको सट्टामा सिल्भर लाइन प्रयोग भएको छ ।
लोअर एयरड्याममा दिएको स्लान्टीङ लाइन बीचमा आएको मिलेको त्रिभूज आकारको डिजाइनमा तयार पारिएको छ । साइडमा अगाडिको ढोकाको तलपट्टी ईभीको व्याजिङ दिइएको छ ।
त्यसैगरी, नयाँ डिजाइनको ह्वील तथा सार्कफिन एन्टेना नयाँ टियागो ईभीमा देखिन्छ । अब टियागो ईभीमा चिली लाइम पेन्ट प्रमोसन कलर हुनेछ । यसका साथै प्रिस्टीन ह्वाइट, डेटोना ग्रे, टियल ब्लु, एरिजोना ब्लु र सुपरनोभा कपर बडी कलर अप्सन रहेको छ ।
भित्र पाइने फरक
नयाँ टियागो ईभीको इन्टेरियरमा वायरलेस एन्ड्रोइड अटो र एप्पल कारप्ले सपोर्ट गर्ने १०.२५ इन्चको ठूलो साइजको फ्लोटिङ टचस्कृन इन्फोटेन्मेन्ट दिएको छ । यसमा टाटा पन्च ईभीको जस्तै टु स्पोक स्टेरिङ ह्वील पाउन सकिन्छ ।
ड्राइभर इन्फर्मेसन डिस्प्लेको लागि फुल्ली डिजिटल स्कृन आएको छ । नयाँ टियागोको एसी र एमआईडी वरिपरी एक्टेरियरमा जस्तै सिल्भर लाइन दिएको छ । नयाँ टियागो ईभीको सिटहरु पनि सेतो कलर हटाएर ग्रे र व्ल्याक कम्बीनेसनमा दिइएको छ ।
ब्याट्री साइज
टाटा मोटर्सले नयाँ टियागो ईभीमा १९.२ र २४ किलोवाट आवरको दुई फरक ब्याट्री प्याक अप्सन रहेको छ । जुन अहिले बजारमा उपलब्ध मोडल जस्तै हो । यी दुई ब्याट्री प्याकको रेन्ज क्रमशः २२३ किलोमिटर र २९३ किलोमिटर रेन्ज दिने एमआईडीले प्रमाणित गरेको छ ।
अहिले बिक्री सुरु भएको मोडलमा २४ किलोवाट आवर क्षमताको ब्याट्री मात्रैछ । सानो ब्याट्रीमा टियागो ईभी उपलब्ध हुने छैन ।
