काठमाडौं । नारायणगढ-मुग्लिन सडकखण्ड अनिश्चितकालका लागि बन्द भएको छ ।
चितवनको इच्छाकामना गाउँपालिका-५, तुइनखोलामा भीषण सुक्खा पहिरो खसेसँगै सडक अनिश्चितकालका लागि बन्द भएको हो ।
भीषण पहिरो मंगलबार दिउँसा ४:५५ बजेतिर खसेको हो । अहिले पनि सडकमा माथिबाट सुख्खा पहिरो निरन्तर खसी रहेको छ ।
पहिरो खसिरहेकाले सडक नै भासिन सक्ने जोखिम देखिएको छ । अब सडक खुल्न कति दिन लाग्छ भन्ने कुनै निक्यौल गर्न सकिने अवस्था नरहेका सडक डिभिजन भरतपुरले जनाएको छ ।
सवारीसाधनलाई वैकल्पिक बाटो हुँदै यात्रा गर्न अनुरोध गरिएको छ ।
