मुम्बाई बेस मोटर कम्पनी स्ट्रोम मोटर्सले कन्जुमर इलेक्ट्रोनिक्स एक्स्पो २०२० मा आफ्नो पहिलो इलेक्ट्रीक उत्पादन ‘आर–३’ सार्वजनिक गर्ने भएको छ । अमेरिकाको लस भेगासमा आयोजना हुने उक्त शोमा विभिन्न इलेक्ट्रीक उत्पादनको बृहत प्रदर्शनी गरिने छ । कम्पनीले आर–थ्रीको पहिलो प्रटोटाइप भने २०१८ अप्रिलमा भारतमा प्रदर्शनी गरेको थियो । अब कम्पनीले फेब्रअरी १, २०२० बाट भारतमा यसको प्रि–बुकिङ खुल्ला गर्ने जनाएको छ ।
सुरुवातमा भारतको तीन सहर पुर्णे, हैदरावाद, दिल्ली एनसीआर र बैङलोरमा यसलाई बिक्री गर्ने योजना कम्पनीले तयार गरेको छ । कम्पनीका संचालक प्रतिक गुप्ताका अनुसार ‘मोटवानी जडेजा फाउन्डेसन अन्तर्गत संचालित विभिन्न स्टार्ट अप कम्पनीले टोक्नोलोजीमा काम गरिरहेको छ । जसले गाडीको व्याट्री इनोभेसन, आधुनिक इन्फोटेन्टमेन्ट निर्माण, एप रिमोट कनेक्टीभिटी जस्ता विषयमा काम गरिरहेको छ । गाडीको कुनै पाटर्स बिग्रन लागेको समेत पहिल्यै सुचना दिनेगरी कम्पनीले काम गरिरहेको छ ।
कम्पनीले ल्याउदै गरेको स्ट्रोम आर–३ मा अगाडि दुई चक्का रहेका छन् भने पछाडि एउटा मात्रै चक्का दिइएको छ । यसको लम्बाई २९०७ एमएम, चौडाई १४५० एमएम र उचाई १५७२ एमएम रहेको छ । यो यूनिक कारमा २०१२ एमएमको ह्वीलवेस दिइएको कम्पनीले जनाएको छ ।यसमा दिइएको मोटरले १७ बीएच पावर र ४८ एनएम टर्क प्रदान गर्छ । यसमा सिंगल स्पीड प्लेनेटरी गियरबक्स दिइएको छ । कम्पनीले यसमा २०० किलोमिटर रेञ्ज प्रदान गर्नेगरि व्याट्री प्याक प्रदान गरेको छ ।
आर–३ को विषयमा बोल्दै गूप्ताले भनेका भन्छन्, ‘यो कार विशुद्ध सहरी क्षेत्रको लागि डिजाइन गरिएको हो । ग्राहकले दैनिक ५० देखि ८० किलोमिटरसम्म यसलाई प्रयोग गर्ने छन् । यसरी हेर्दा हरेक ३ वा ४ दिनमा एक पटक चार्जगर्दा पुग्ने छ । जसलाई घरायसी प्रयोगको १५ एम्पायरको बिजुलीमा चार्ज गर्न सकिने छ । करिब ३ घन्टामा यसलाई सहजै चार्ज गर्न सकिने छ ।’ कम्पनीको दाबीलाई मान्ने हो भने यो कार निकै आरामदायी हुनेछ । यसमा म्युजिक सिस्टम, २० जीवी अनबोर्ड म्युजिक स्टोरेज, वाईफाई कनेक्टीभिटी, किलेस इन्ट्रि, रियर क्यामेरा, पावर विन्डो र तिन सिटमा सिटबेल्ट दिइने छ । कम्पनीले अहिल्यै यसको मूल्य लगायत विषयमा भने कुनै जानकारी दिएको छैन ।
