जापानीज मोटसाइकल तथा स्कुटर निर्माता कम्पनी सुजुकीले इन्ट्रुडर २५० ग्लोबल मार्केटमा सार्वजनिक गर्ने भएको छ । हालै एक अनलाइन पत्रिकालाई अन्तर्वाता दिदै कम्पनीका सुजुकी इन्डियाका प्रबन्ध निर्देशक सतोसी उचिदाले भारतीय बजारमा धेरै सीसीका मोटरसाइकलहरुमा फोकस गर्ने बताएका छन् । उनका अनुसार २०२० मा कम्पनीले २५० सीसीमा अर्को मोटरसाइकल सार्वजनिक गर्ने छ । यसअधि कम्पनीले इन्ट्रिुडर २५० सार्वजनिक गर्ने बताएको थियो । नयाँ इन्ट्रुडर हाल उत्पादन भइरहेको इन्ट्रुडर १५० मा आधारीत हुनेछ । यसमा कम्पनी विभिन्न फिचरहरु थप गरेर ल्याउने भएको हो । यसको डिजाइन भने इन्ट्रुडर १५० कै समान रहेको छ ।
यो बाइकमा सुजुकीले हालै सार्वजनिक गरेको जिक्सर २५० भर्सनबाट इन्जिन लिइएको छ । यसमा २४९ सीसी सिगंल सिलिन्डर आयल कूल्ड इन्जिन रहेको छ । यो इन्जिनले २६.५ पीएस पावर तथा २२.६ एनएम टर्क जेनेरेट गर्छ । यो इन्जिनमा ६ स्पीडको गियरबक्स जडान गरिएको छ । यो बाइक भारत स्ट्यान्डर्ड अनुसार रहने छ ।
सुजुकी इन्ट्रुडर २५० को फ्रन्टमा स्ट्यान्डर्ड टेलीस्कोप र्फक तथा रियरमा मोनोशक रहेको छ । एलइडी हेडल्याम्प, नयाँ डिजिटल कन्सोल, रियर तथा फ्रन्टमा डिस्क ब्रेक जस्ता फिचर रहने छ ।
यो मोटरसाइकल देल्ली अटो शो सार्वजनिक हुने अनुमान गरिएको छ । यो क्रुजर मोटरसाइकलको मूल्य १ लाख ८० हजार भारतीय रुपैयाँ हुने अनुमान गरिएको छ
