काठमाडौं । यही चैत २९ गतेदेखि यामाहाले ब्लू फेस्ट आयोजना हुने भएको छ ।
नेपालका लागि यामाहाको आधिकारिक वितरक एमएडब्लू राइडले काठमाडौंको भृकुटीमण्डपमा ब्लू फेस्ट आयोजना गर्ने भएको हो ।
२०८३ वैशाख ५ गतेसम्म संचालन हुने उक्त ब्लू फेस्टमा ग्राहकले विशेष एक्सचेन्ज अफर, सहज फाइनान्स सुविधा तथा अन्य आकर्षक अफरहरू पाउने छन् ।
साथै, कम्पनीले सोही कार्यक्रमान नयाँ मोटरसाइकल पनि सार्वजनिक गर्ने भएको छ । कम्पनीले यामाहाको एफजेडएस सिरिजमा नयाँ जेन एफजेडएस एफआई नयाँ मोटरसाइकल बिक्री सुरू गर्ने बताएको हो ।
स्मार्ट राइड, उत्कृष्ट माइलेज र थप रोमाञ्चक अनुभवका लागि डिजाइन गरिएको यो नयाँ मोडलमा हाईटेक फिचरहरू समावेश गरिएको कम्पनीले जनाएको छ ।
उक्त ब्लू फेस्टमा इच्छुकहरूले यामाहाको नयाँ मोटरसाइकल हेर्नुका साथै टेस्ट राइड गर्ने अवसर पनि पाउने छन् ।
