काठमाडौं । चीनमा उच्च गतिको रेल नेटवर्क ५० हजार किलोमिटर बढी पुगेको छ । शुक्रबार उत्तरपश्चिमी चीनको शान्सी प्रान्तमा सियान-यानआन उच्च गति रेलवेको उद्घाटनसँगै रेल नेटवर्क ५० हजार किमी नाघेको हो ।
२९९ किलोमिटर लामो यो लाइन प्रान्तीय राजधानी सियानबाट उत्तरमा यानानसम्म फैलिएको छ । जुन शहरले १९३७ र १९४७ को बीचमा चिनियाँ कम्युनिष्ट पार्टीको नेतृत्वको आधारको रूपमा काम गरेको थियो।
नयाँ रेलवेले दुई शहरहरू बीचको यात्रा समय दुई घण्टाबाट घटाएर लगभग एक घण्टामा झारेको छ । जसले ऐतिहासिक क्षेत्रहरू र आधुनिक समुदायहरूलाई नजिक ल्याउने विश्वास गरिएको छ ।
५० हजार किमी हाइ स्पीड रेल नेटवर्क चीनको रेलवे विकासमा एक प्रमुख कोसेढुङ्गा हो । यससँगै चीनले विश्वको सबैभन्दा ठूलो उच्च-गतिको रेल सञ्जालको रूपमा आफ्नो स्थान अझ सुदृढ बनाएको छ ।
फक्सिङ बुलेट ट्रेन चीनको स्वदेशी प्रविधिमा आधारित छ । यसले तीव्र गतिको साथसाथै यात्रुहरूलाई आरामदायी यात्रा प्रदान गर्नेछ ।हाइ स्पीड रेल प्रतिघण्टा ३५० किमीभन्दा बढीको गतिमा गुड्छ ।
५० हजार किलोमिटरको यो उपलब्धिले चीनका विभिन्न सहरहरू बीचको दूरी घटाउन र आर्थिक गतिविधिहरूलाई गति दिन मद्दत पुर्याउने अपेक्षा गरिएको छ ।
