काठमाडौं । हुन्डाई स्यान्ट्रो पहिलो पटक नेपाल भित्रिँदा साना गाडीको बजारमा जापानी ब्राण्डहरूको प्रभुत्व थियो । भारतमा उत्पादन भएका गाडीप्रतिको विश्वास विस्तारै विकसित हुँदै थियो।
सन् १९९९ मा हुन्डाई इन्डियाले आफ्नो पहिलो मोडेलका रूपमा स्यान्ट्रो सार्वजनिक गरेको थियो। दैनिक प्रयोगका लागि उपयुक्त सोचविचार गरेर डिजाइन गरिएको र आरामदायी स्यान्ट्रो सुरूदेखि नै फरक पहिचान बनाउन सफल भयो।
यसलाई अझ विशेष बनाउँदै नेपाल हुन्डाई स्यान्ट्रोको पहिलो निर्यात बजार समेत बन्यो। यो केवल एक गाडीको सुरूवात मात्र होइन, हुन्डाई र नेपाल दुवैका लागि गर्वको क्षण थियो।
स्यान्ट्रोले नेपाली ग्राहकहरूको ह्याचब्याकप्रतिको धारणा नै परिवर्तन गर्यो। सानो गाडी पनि भरपर्दो, आकर्षक, मर्मतमा सजिलो र नेपाली सडक तथा पारिवारिक आवश्यकता अनुसार उपयुक्त हुन सक्छ भन्ने सन्देश स्यान्ट्रोले दियो।
समयसँगै स्यान्ट्रो केवल गाडी मात्र रहेन, नेपाली परिवारहरूको भरोसा योग्य साथी बन्यो । र, यही आधारमा हुन्डाईले नेपालमा आफ्नो यात्रा अघि बढायो।
आज नेपालमा स्यान्ट्रोको २५ वर्ष पूरा भएको छ । यस अवधिमा यो एउटा प्रतिष्ठित मोडेलको रूपमा स्थापित मात्रै भएको छैन, यसले नेपालमा हुन्डाईको भरोसाको विरासतलाई निरन्तरता दिएको छ ।
नेपालमा स्यान्ट्रोको २५ वर्षे अवसरमा हुन्डाई इन्डिया र हुन्डाई नेपालले सन् २००० मोडेल वर्षका हुन्डाई स्यान्ट्रोका प्रयोगकर्ताहरूलाई विशेष सरप्राइज समेत दिने भएको छ । कम्पनीले छनोटमा परेका ग्राहकहरूलाई विशेष अवसर प्रदान गर्ने भएको हो ।
