काठमाडौं । केटीएमको मोटरसाइकलहरूमा फाइनान्स तथा एक्सचेन्ज अफर सुरू भएको छ ।
नेपालका लागि केटीएमको आधिकारिक वितरक हसंराज हुलासचन्द एण्ड कम्पनीले केटीएमका सबै मोडलहरूमा फाइनान्सका साथै एक्सचेन्ज सुविधा ल्याएको हो ।
कम्पनीको फाइनान्स तथा एक्सचेन्ज अफरमा ग्राहकले ५० प्रतिशत डाउन पेमेन्टमै केटीएमको मोटरसाइकल किन्न पाउने भएको हो । यसमा ग्राहक आफूले छानेको मोडलको पूरा मूल्यको ५० प्रतिशतमात्रै रकम बुझाए पुग्छ । बाँकी कम्पनीले लोन सुविधा दिने छ ।
फाइनान्स सुविधामा मोटरसाइकल किनेका ग्राहकले ऋण रकम मासिक किस्तामा ३ वर्ष भित्र बुझाउनु पर्नेछ ।
यसका अलावा कम्पनीले ग्राहकले ल्याएका जुनसुकै पुराना दुईपाँग्रे मोडलमा १५ हजार एक्स्ट्रा भ्यालुयसन दिने जनाएको छ ।
हाल नेपाली बजारमा केटीएमको नेकेड, स्पोर्ट र एड्भेन्चर सेग्मेन्टका मोटरसाइकलहरू उपलब्ध छन् ।
