टाटाले आगामी महिना आफ्नो पहिलो प्रिमियम ह्याचब्याक कार अल्ट्रोजलाई भारतीय बजारमा उतार्ने भएको छ । करिब ६ महिना अघि नै आउने भनिएपनि विभिन्न कारणले ढिलाई भएको कम्प्नीले जानाएको छ ।
टाटाको लागि नेपालको लागि आधिकारीक वितरक सिप्रदी ट्रेडिङले अल्ट्रोजलाई जनवरीमा सार्वजनिक गर्ने जानकारी दिएको छ ।
‘डिसेम्बरमा भारतीय बजारमा सार्वजनिक हुने भनिएको छ । जनवरीबाट नेपालमा पनि यसको बिक्री सुरु हुने छ’ सिप्रदी स्रोतले भन्यो ।
टाटा अल्ट्रोजले मारुती सुजुकी बलेनो, हुन्डाई इलाइट आई–२० सँग सिधा प्रतिस्पर्धा गर्ने अनुमान गरिएको छ ।
आरामदायी, ठूलो एरिया भएको विभिन्न क्लासिक फिचर तथा ठूला कारको जस्तै पफर्मेन्सकोे कारण यसलाई उत्कृष्ट मानिएको छ । नयाँ अल्फा प्लाटफर्ममा निर्माण भएको अल्ट्रोजमा विभिन्न विशेषता दिइएको छ ।
यसको कुल तौल ९६१ किलोग्राम रहेको छ । यसको चेसिसमा कम तौलको मेटलको प्रयोग गरिएको छ । यसमा आकर्षक हेडलाइट, डे टाइम रनिंग लाइट, १७ इन्चको अलोय ह्वील लगाइएको छ ।
टाटा अल्ट्रोजको लम्बाई ३९८८ एमएम, चौडाई १७५४ एमएम र उचाई १५०४ एमएम रहेको छ । यसको ह्वीलवेश २५०१ एमएम रहेको छ ।
अल्ट्रोजमा १.२ लिटर टर्बोचार्ज्ड थ्री सिलिन्डर पेट्रोल इन्जिन दिएको छ । जसले ५५ सय आरपीएममा १०२ एचपी पावरका साथै १७५० देखि ४ हजार आरपीएममा १४० एनएम टर्क उत्पादन गर्छ ।
