काठमाडौं । भन्सार कार्यालय सुनसरीले बिभिन्न सवारीसाधन लिलामीको सूचना निकालेको छ । कार्यालयले २००९ देखि २०१८ सम्म उत्पादन भएका बाइकहरु लिलामीमा निकालेको हो । उक्त लिलामीमा २०१८मा बनेको २२० सीसीको बाइक ७१ हजारभन्दा कम मूल्यमा लिलामी राखिएको छ ।
सुनसरी भन्सार कार्यालयले भन्सार छली गरेर ल्याइएका मोटर साइकलसहितका अन्य ८० वटा सवारी साधन लिलामी गर्न सार्वजनिक सूचना प्रकाशित गरेको हो ।
सरकारले लिलामी गर्न लागेको बाइकहरु विभिन्न ब्रान्डका रहेका छन् भने कवाडीमा कार, सफारी, भ्यान तथा ट्याक्टरसमेत रहेका छन् ।
यो सूचना यही जेठ ३० गते प्रकाशन भएको हो । इच्छुक व्यक्ति, फर्म वा कम्पनीले २१ दिन भित्र बोलकवलमा सहभागी हुन सक्ने छन् ।
