काठमाडौं । अग्नि ग्रुप अन्तर्गतको प्युजो मोटरसाइकल्स नेपालले ‘सोइरे फ्राँसेज-अ नाइट अफ फ्रेन्च एलिजेन्स’ विशेष फ्रेन्च फाइन डाइनिङ कार्यक्रम सम्पन्न गरेको छ ।
काठमाडौंस्थित ला टेरासमा आयोजित उक्त विशेष साँझमा प्युजोका विशिष्ट ग्राहक, व्यावसायिक साझेदार तथा फ्रान्सेली संस्कृतिप्रति आत्मियता राख्ने अतिथिहरूको सहभागिता रहेको थियो।
कार्यक्रमले फ्रान्सको समृद्ध सांस्कृतिक विरासत र त्यसको प्रेरणादायी भावनालाई सम्मान गर्दै आपसी सम्बन्धलाई अझ सुदृढ बनाउने उद्देश्य बोकेको थियो।
सन् २०२६ को फिफा विश्वकपमा फ्रान्सेली टोलीले प्रदर्शन गरेको समर्पण, दृढता, उत्कृष्टता र एकताको भावनाबाट प्रेरित यस कार्यक्रमले खेलको नतिजाभन्दा माथि उठेर फ्रान्सेली खेल संस्कृतिको अदम्य भावना र त्यसको विरासतलाई सम्मान गरेको थियो। यी मूल्यहरू प्युजो ब्राण्डको दीर्घकालीन पहिचानसँग समेत मेल खाने भएकाले कार्यक्रमले त्यसैको प्रतिबिम्ब प्रस्तुत गरेको थियो।
कार्यक्रममा सहभागी अतिथिहरूले विभिन्न फ्रेन्च परिकार, पेरिस प्रेरित आकर्षक सजावट तथा आत्मिय वातावरणमा नेटवर्किङको अनुभव लिएका थिए। यस अवसरले प्युजोको फ्रान्सेली सम्पदालाई झल्काउँदै आफ्ना ग्राहकप्रति कृतज्ञता व्यक्त गर्नुका साथै नेपालमा प्युजो समुदायसँगको सम्बन्धलाई अझ मजबुत बनाउने अवसर प्रदान गरेको कम्पनीले जनाएको छ।
प्युजो मोटरसाइकल्स नेपालका प्रतिनिधिहरूले गुणस्तरीय गतिशीलता (मोबिलिटी) समाधानसँगै ग्राहकलाई अन्तर्राष्ट्रिय स्तरको जीवनशैली अनुभव प्रदान गर्ने, विश्वव्यापी रूपमा प्युजोले प्रतिनिधित्व गर्ने मूल्य र परम्परालाई निरन्तर अघि बढाउने आफ्नो प्रतिबद्धता पुनः व्यक्त गरे ।
यो अविस्मरणीय कार्यक्रमले आफ्ना ग्राहकसँग सिर्जना गर्दै आएको प्रिमियम सम्बन्धलाई अझ सुदृढ बनाएको कम्पनीको विश्वास छ ।
