काठमाडौं । स्कुटर अफ द इयरको अवार्ड बिजेता टीभीएस एनटर्क १२५ को रेस एडिसनको नेपाली बजारमा बुकिङ्ग खुलेको छ । नयाँ बर्ष २०२० लाई लक्षित गरेर नेपाली बजारमा सार्वजनिक गर्ने तयारी गरेको टीभीएसको आधिकारकि वितरक जगदम्बा मोटर्सले जानकारी दिएको छ । नेपाली बजारमा लोकप्रिय रहेको एनटर्क १२५ को रेस अडिसन नेपाली बजारमा प्रतिक्षित स्कुटर रहेको छ । एनटर्क रेस भर्सन भारतको गोवामा सम्पन्न मोटो शोल २०१९ मा प्रदर्शन गरिएको थियो ।
अक्टोवर १८ र १९ मा भारतको गोवामा सम्पन्न भएको टीभीएस माटो शोल २०१९ मा नयाँ एनटर्क २०२० को प्रदर्शनी गरिएको नयाँ एनटर्कले उक्त मोटो शोलमा आगन्तुकको ध्यान आर्कषण गर्न सफल भएको थियो ।
एनटर्क १२५ फेसलिफ्ट नयाँ एलइडी सेटअपमा रहेको छ । हाल हेलोजीन हेडल्याम्प रहेको स्कुटरमा अझै धेरै भिजिवलिटी सहितको नयाँ डिजाइनको एलइडी हेडल्याम्पमा दिइएको हो
एनटर्कको रेगुलर मोडलमा रहेको टी सेप टेलल्याम्पलाई नयाँ मोडलमा समेत निरन्तरता दिइएको छ । आर्कषक डिजाइनमा दिइएको डे–टाइम रनिङ एलइडी हेडल्याम्पले यो स्कुटरलाई अझै स्पोर्टी बनाएको छ ।
सार्वजनिक भएको छोटो समयमा चार लाखको माइलस्टोन पुरा गरेको यो स्कुटरले सुजुकी एसेस, होन्डा ग्राजिया जस्ता स्कुटरसँग प्रतिस्पर्धा गरिरहेको छ । कम्पनीले एनटर्क १२५ मा कुनै मेकानिकल परिर्वतन भने गरेको छैन ।
टीभीएस एनटर्क १२५ मा १२४.७ सीसी सिगंल सिलिन्डर, एयर कूल्ड इन्जिन रहेको छ । यसले ९.५ पीएस तथा १०.५ एनएम टर्क जेनेरेट गर्छ ।
यसमा स्मार्ट एक्सकनेक्ट द्धारा ब्लुटुथ कनेन्ट गरी कल डिटेल, जीपीएस जस्ता फिचरको प्रयोग गर्न सकिन्छ ।
एनटर्क रेस एडिसनको मूल्य २ लाख ४६ हजार ९ सय रुपैयाँ तोकेको छ । रेस एडिसन खरिद गर्न चाहाने ग्राहकले नेपाली भरि रहेको टीभीएसको आधिकारीक शोरुममा सम्पर्क गरेर बुकिङ गर्न सक्नेछन् ।
