काठमाडौं । अब दर्ता हुने नयाँ ट्याक्सी १२ सय सीसी भन्दा बढी क्षमताकाे हुनुपर्ने भएको छ ।
यातायात व्यवस्था विभागले तयार पारेको नयाँ मापदण्ड अनुसार दर्ता हुने नयाँ ट्याक्सी १२ सय सीसीभन्दा माथि ४ स्ट्रोक सेडान कार हुनु पर्ने विभागले जनाएको छ ।
दर्ता हुने नयाँ ट्याक्सीमा ३ वटाभन्दा बढी सिलिन्डर भएको, एसी हिटर, डिजिटल मिटर र जीपीएस सिस्टम अनिवार्य हुनुपर्नेछ ।
विभागले नयाँ मापदण्डको कार्यान्वयन गर्नको लागि यातायात व्यवस्था कार्यालयहरुलाई चिठ्ठी समेत पठाइसकेको जानकारी दिएको छ । विभागले गत चैतमै ट्याक्सीको नयाँ मापदण्डको मस्यौदा तयार पारी मन्त्रालय पठाएको थियो।
