बेनेलीको नयाँ मोटरसाइकल २०२० बेनेली टीएनटी ६००–आईको तस्विर सार्वजनिक भएको छ । बेनेलीको उक्त मोटरसाइकल चीनमा निर्माण भइरहेको छ । सार्वजनिक भएको तस्विरमा देखिए अनुसार यो मोटरसाइकल विगतमा देखाइएभन्दा केही भिन्न रहेको छ ।
एलइडी हेडल्याम्प सहितको यो मोटरसाइकल भर्टिकल डिजाइनमा आधारित रहेको छ । यो मोटरसाइकल बेनेली टीएनटी ८९९ र टीएनटी ११३० भन्दा केही फारक देखिएको छ । तर, टीएनटी ६००–आई उक्त दुई मोटरसाइकलबाट नै प्रभावित रहेको कम्पनीले जनाएको छ ।
नयाँ मोटरसाइकलको सिट विगतमा देखाइएजस्तो नभइ फरक डिजाइनमा तयार भइरहेको छ । बेनेली टीएनटी ६००–आई टीएनटी–३०० जस्तै देखिएको छ ।
बेनेली ६००–आईमा इनलाइन फोर सिलिन्डर इन्जिन रहने छ । यो इन्जिनले ८६.२ एचपी पावर र ५४.६ एनएम टर्क जेनेरेट गर्छ ।
नयाँ २०२० बेनेली ६००–आईमा समेत पुरानो जस्तै स्पोर्टी हुने अनुमान गरिएको छ ।
