काठमाडौं । नेपाली बजारमा पछिल्लो दिन कम्प्याक्ट एसयूभीको बीचमा तिब्र प्रतिस्पर्धा भइरहेको छ । २०१४ बाट नेपाली बजारमा कम्प्याक्ट एसयूभीले चर्चा पाउन सुरु भएको हो ।
त्यसअघि बजारमा थुप्रै क्रसओभर गाडीहरू आएका थिए । तर, जब कम्प्याक्ट एसयूभी बजारमा आए, तब ती क्रसओभरको बिक्री निकै घटेको छ । नेपालमा एसयूभी बजारको सबैभन्दा ठूलो प्लेयर अहिले हुन्डाईको क्रेटा हो । १६०० सीसी इञ्जिन क्षमताको क्रेटा बजारमा उपलब्ध अन्य एसयूभीभन्दा मूल्य, पावर र फिचरका हिसाबले उत्कृष्ट रहेको छ ।
स्पेसिफिकेसन |
फोर्ड इकोस्पोर्ट |
टाटा नेक्सन |
भिटार ब्रेजा |
डिजेल इन्जिन |
१.५ लि, ४ सिलिन्डर |
१.५ लि, ४ सिलिन्डर |
१.३ लि, ४ सिलिन्डर |
पावर |
९९ पिएस |
११० पिएस |
९० पिएस |
टर्क |
२०५ एनएम |
२६० एनएम |
२०० एनएम |
गियर |
५ स्पिड |
६ स्पिड |
५ स्पिड |
क्रेटाको डिजेल भेरिएन्ट १.४ लिटर सेग्मेन्टमा भए पनि नेपाली बजारमा अहिलेसम्म आएको छैन ।
डिजेल भर्सनमा मूल्य, पावर, फिचर र अन्य विविध पक्षमा फोर्डको ईकोस्पोर्ट, टाटा नेक्सन र मारुति सुजुकी भिटारा ब्रेजाको बीचमा कडा प्रतिस्पर्धा रहेको छ । बाहिरी आवरणमा टाटाको नेक्सन सबैभन्दा आक्रर्षक र स्टाइलिस देखिन्छ भने इकोस्पोर्ट र भिटाराले बिक्रीमा आफ्लाई प्रमाणित गरिसकेका छन् । फोर्डको इकोस्पोर्ट नेपाली बजारमा सर्वाधिक बिक्री भएको मध्येमा पर्ने कम्प्याक्ट एसयूभी हो । सुरुमा १००० सीसी पेट्रोल इञ्जिन र १५०० सीसी डिजेल इन्जिन क्षमतामा उपलब्ध ईकोस्पोर्ट अहिले पेट्रोलमा १५०० सीसी इन्जिनमा समेत उपलब्ध रहेको छ ।
मारुती सुजुकी भिटार ब्रेजा डिजेल इञ्जिनमा मात्र उपलब्ध रहेको छ । यो कार डिजेल कार प्रेमीको लागि उत्कृष्ट अप्सन भइरहेको छ । कम्पनीले २०१९ को अन्त्यसम्ममा पेट्रोल इञ्जिनमा समेत ल्याउने बताएको छ ।
डायमेन्सन |
फोर्ड इकोस्पोर्ट |
टाटा नेक्सन |
भिटार ब्रेजा |
लम्बाई |
३९९९ एमएम |
३९९४ एमएम |
३९९५ एमएम |
चौडाई |
१७६५ एमएम |
१८११ एमएम |
१७९० एमएम |
उचाई |
१७०८ एमएम |
१६०७ एमएम |
१६४० एमएम |
ह्वीलवेस |
२५२० एमएम |
२४९८ एमएम |
२५०० एमएम |
ग्राउन्ड क्लियरेन्स |
२०० एमएम |
२०९ एमएम |
१९८ एमएम |
बुट स्पेश |
३४६ लिटर |
३५० लिटर |
३२८ लिटर |
नेपाली बजारमा ईकोस्पोर्टको इतिहास करिब ४ वर्षको रहेको छ भने, ब्रेजा नेपाल आएको करिब २ वर्ष भएको छ । करिब ४ महिनाको इतिहास भएको नेक्सनले नेपाली बजारमा दुबै कारलाई कडा टक्कर दिइरहेको छ ।
ईकोस्पोर्ट
फोर्डको ईकोस्पोर्ट भारतीय बजारमा फोर्डको धेरै बिक्री हुने सवारीमध्येमा पर्छ । ईकोस्पोर्ट भारतमा सार्वजनिक भएको पहिलो सव–फोर मिटर एसयूभी हो । यो गाडी १.५ लिटर डिजेल इन्जिनमा उपलब्ध रहेको छ ।
नेपालका लागि फोर्डको आधिकारिक बिक्रेता जीओ फोर्डले ५ भेरीएन्टमा ईकोस्पोर्टको डिजेल भसर्न उपलब्ध गराएको छ । फोर्ड इकोस्पोर्ट डिजेल भर्सनको मूल्य ४२ लाख ९० हजारदेखि ५६ लाख ९९ हजार रुपैयाँसम्म रहेको छ ।
मारुती सुजुकी भिटारा ब्रेजा
भारतको कम्प्याक्ट एसयूभी बजारमा मारुतीले के ल्याउँछ भन्ने उत्तर भिटारा ब्रेजाले दियो । यो गाडी मारुतीको पुरानो ग्रान्ड भिटाराजस्तै देखिन्छ । यो कार २०१६ को अटो एक्स्पोमा सार्वजनिक भएको हो ।
यो कारमा १.३ लिटर डिजेल इञ्जिन, ८९ बीएचपीको पावर र २०० एनएम टर्क, ५ स्पीड म्यानूअल गेयरबक्स रहेको छ । ब्रेजाले प्रतिलिटर २४.३ किलोमिटर माइलेज दिने कम्पनीको दाबी छ ।
यो गाडी नेपाली बजारमा तिन भसर्नमा उपलब्ध छ । मारुती सुजुकी भिटारा ब्रेजाको मूल्य ३७ लाख ९९ हजारदेखि ४२ लाख ७९ हजार रुपैयाँसम्म रहेको छ । मारुती सुजुकी नेपाली बजारमा अरूण इन्टरकन्टीनेन्टलले भित्र्याउँदै आएको छ ।
टाटा नेक्सन
नेपाली बजारमा टाटाको नेक्सन कार गेमजेञ्जर भएर आएको छ । सिप्रदी ट्रेडिङले २०१८ को सुरुवातसँगै नेपाली बजारमा ल्याएको नेक्सनले आफ्नो सेगेमन्टमा राम्रो उपस्थिती जनाउन सफल भएको छ ।
यो कार नेपाली बजारमा ३ मोडलमा डिजेल भसर्न उपलब्ध रहेको छ । टाटा नेक्सन डिजेल भर्सनको मूल्य ३९ लाख ९५ हजारदेखि ४६ लाख ९० हजार रुपैयाँसम्म रहेको छ । साथै, कलभेरिएन्टमा भर्मोन्ट रेड, मोरोक्कान ब्लू, सिटल सिल्भर, ग्लासगो ग्रे र कलरगरी ह्वाइटमा उपलब्ध रहेको कम्पनीले जनाएको छ ।