काठमाडौं । सोमबार काठमाडौंमा शंकास्पद गाडीको बिगबिगी देखिएको छ । आज बिहानैदेखि काठमाडौंका विभिन्न मिडिया हाउसको कार्यालय र राजनीतिक दलका नेताका घर अगाडि अनाधिकृत रूपमा निजी नम्बर प्लेटका गाडी पार्किङ गरेर छाडिएको हो ।
आज बिहानै ७ बजेतिर कान्तिपुर मिडिया हाउस अगाडि बा प्रदेश ०१ ०३४ च ८४८० नम्बरको गाडी पार्किङ गरेर राखिएको थियो ।
त्यस्तै, बुद्धनगरस्थित अनलाइनखबर अगाडि बा। १२ च १२५५ नम्बरको र मध्यबानेश्वरमा रहेको हिमालयन टेलिभिजनको गेटैमा बा १० च १२५५ नम्बरको निजी गाडी पार्किङ गरेर छाडिएको थियो ।
नेपाली कांग्रेसका सभापति गगन थापाको निवास अगाडि पनि शंकास्पद् गाडी राखेको पाइएको छ । सभापति थापाको रातोपुलस्थित निवास अगाडि बीएसी ९५७५ नम्बरको गाडी पार्किङ गरिएको छ ।
त्यस्तै, अनामनगरस्थि भाटभटेनी सुपर मार्केट अगाडि पनि वेबारिसे अवस्थमा गाडी भेटिएको थियो ।
कान्तिपुर, अनलाइनखबर र हिमालयन टेलिभिजन अगाडि राखिएका गाडी प्रहरीले हटाइसकेको छ ।
सबै ठाउँमा राखिएका गाडीमा चालक छैनन् । गाडी कसले र किन राखियो भन्ने खुलेको छैन । त्यसबारे अनुसनधान भइहरेको प्रहरीले जनाएको छ ।
