काठमाडौं । अबको केहि महिना भित्रै बजाजले बजारमा उतार्न लागेको पल्सर २५० सेग्मेन्ट कै सबैभन्दा कम मूल्यको मोटरसाइकल हुने विभिन्न रिपोर्टहरुले दाबी गरेका छन् । विशेषत सुजुकी जिक्सर २५० र यामाहा एफजेड २५ सँग सिधा प्रतिस्पर्धा गर्न आउन लागेको नयाँ पल्सरको मूल्य यी दुई बाइकभन्दा सस्तो हुने अनुमान गरिएको छ ।
अहिले नेपालमा यामाहाले एफजेड २५ र सुजुकीले जिक्सर २५० विक्री गर्दै आएका छन् । यी दुई मोटरसाइकलको मूल्य क्रमशः ४ लाख ४२ हजार ९०० र ४ लाख ६५ हजार रुपैयाँ रहेको छ । यस्तोमा बजाजको नयाँ पल्सर २५० को मूल्य ४ लाख १५ हजार हाराहारी पर्ने अनुमान गरिएको छ ।
यद्यपी नयाँ पल्सर २५० को लागि अझै केहि समय भने कुर्नु पर्ने हुन्छ । भारतका विभिन्न क्षेत्रमा परिक्षणको क्रममा देखिएको पल्सर २५० आगामी चाडपर्वको समयसम्ममा भारतमा विक्री सुरु हुने छ भने, नेपालको लागि थप ४ महिनासम्म कुर्नु पर्ने हुन सक्छ ।
नयाँ पल्सर २५० आयल कुलरको साथ एयर कुल्ड इन्जिनमा उपलब्ध रहने छ । यसमा केहि फिचर पल्सर एनएस २०० बाट लिइएको परिक्षणको क्रममा देखिएको तस्विरबाट प्रस्ट हुन्छ ।
त्यसैले यो अनुमान लगाउन सकिन्छ कि नयाँ पल्सर २५० मा प्रोजेक्टर हेडल्याम्प, एलइडी टेल ल्याम्प, एलसीडी इन्ट्रुमेन्ट क्लष्टर, स्मार्टफोन कनेक्टीभीटी, टर्न वाई टर्न इन्डिकेटर जस्ता फिचर उपलब्ध रहने छन् ।
सधै मूल्य र डिजाइनको कारण प्रतिस्पर्धी माथि भारी पर्दै आएको बजाजले पल्सर २५० पनि त्यति रणनीति अबलम्बन गरेर तयार पारीरहेको रिपोर्टहरु बाहिर आएका छन् ।
