भारतमा बीवाइडी सिलायन-७ सार्वजनिक, यस्तो छ मूल्य

काठमाडौं । भारतीय बजारमा बीवाइडीले प्रिमियम एसयूभी सिलायन ७ लन्च गरेको छ । बीवाइडीको ई-प्ल्याटफर्म ३.० मा बनेको यो लग्जरी एसयूभीको प्रिसमयम र पर्फर्मेन्स गरी दुई भेरियन्टमा सार्वजनिक गरिएको हो ।

भारतीय बजारमा प्रिमियम भेरियन्टको मूल्य ४८ लाख ९० हजार भारु र पर्फमेन्स भेरियन्टको मूल्य ५४ लाख ९० हजार भारु तोकिएको हो । यसको डेलिभरी आगामी मार्च ७ देखि सुरू हुनेछ ।

नेपालमा पनि गत नाडा अटोशोमा सिलायन ७ शोकेश गरिएको थियो भने चाँडै ल्याउने तयारी भइरहेको छ ।

सिलायन ७ ईभीको प्रिमियम भेरियन्टमा रियरह्वील ड्राइभ मोटर रहेको छ भने पर्फमेन्स मोडलमा अलह्वील ड्राइभ अप्सन पाउन सकिन्छ ।

सिलायन ७ को दुवै भेरियन्टमा समान साइजको ८२.५६ किलोवाट आवरको ब्लेड ब्याट्रीप्याक रहेको छ । यसको प्रिमियम भेरियन्टको डब्लूएलटीपी रेन्ज ४८२ किलोमिटर र पर्फमेन्स भेरियन्टको ४५६ किलोमिटर रहेको छ ।

बीवाइडीले सिलायन ७ मा पावरफुल मोटर दिएको छ । यसको रियर ह्वील ड्राइभ प्रिमियम भेरियन्टमा २३० किलोवाटको मोटर दिएको छ, जसले ३१३ हर्सपावर तथा २८० न्युटन मिटरको टर्क जेनेरेट गर्छ । त्यस्तै पर्फमेन्स भेरियन्टको अलह्वील ड्राइभ अप्सनमा ३९० किलोवाटको मोटर रहेको छ । यो मोटरले ५३० हर्सपावर तथा ६९० न्युटन मिटरको टर्क जेनेरेट गर्छ ।

सिलायन ७ को फ्रन्टमा डबल यू डिजाइनको फ्लोटिङ एलईडी हेडलाइट, कर्भी डिजाइनको फुलविथ एलईडी टेललाइट, फ्लस डोर ह्याण्डल, २० इन्चको ह्वील तथा डकटेल डिजाइनको रियल स्पोइलर यसको एक्सटेरियर फिचर छन् ।

मिड साइज एसयूभी सिलायन ७ को लम्बाइ ४८३० एमएम, चौडाइ १९२५ एमएम, उचाइ १६२० एमएम तथा २९३० एमएमको ह्वीलबेस रहेको छ । यो ईभीको बनेट मुनि ५८ लिटरको ट्रक तथा रियरमा ५०० लिटरको बुटस्पेश रहेको छ ।