काठमाडौं । फ्युचर मोटर्सले नेटा-भीमा अफरै अफर दिएको छ । नेटाको भक्तपुरको डिलरले ‘नेटा-भी मेगा अफर’मा ग्राहकलाई गाडीसँगै अन्य कुरा छानेर लान पाउने अफर दिएको हो ।
अहिले नेटा भीको मूल्य ३८ लाख ९९ हजार रुपैयाँ रहेको छ । कम्पनीले यो मूल्य तिर्ने ग्राहकलाई नेटा भीसँगै टीभीएसको क्रुजर मोटरसाइकल रोनीन दिनेछ । रोनीनको मूल्य ४ लाख ६० हजार रुपैयाँ छ ।
कम्पनीले मोटरसाइकल नचाहिनेको लागि टीभीएस एनटर्क १२५ स्कुटरसँगै ५ वर्षको फ्रि सर्भिसिङ र आईफोन १५ को प्याकेज बनाएर दिएको छ । यी दुई सामानको मूल्य पनि ४ लाख ५० हजार हाराहारी पर्छ ।
माथिका दुबै कुरा नचाहिने ग्राहकले ७५ इन्चको एलइडी टीभी र ८ केजीको फ्रन्ट डोर वासिङ मेसिन पनि छनोट गर्न सक्नछन् । त्यसैगरी ३ तोला सुन लिन्छु भन्नेले सुन छनोट गर्न सक्नेछन् ।
कम्पनीले माथिका कुनै पनि कुरा लिन्न म ३ केजी चाँदी लिन्छु भनेमा पनि दिने जनाएको छ । माथिको अफरका अलवा कम्पनीले सस्पेन्सन परिवर्तन गरिदिने जनाएको छ ।
अहिले कम्पनीले बिक्री गर्दै आएको नेटा भीमा ५० किलोवाटको मोटर दिइएको छ । यसमा १८० एमएम अग्लो ग्राउन्ड क्लियरेन्स रहने कम्पनीको दावी छ ।
