कोरोना असर अबको तीन हप्तामा कम हुने हो भने आगमी मे महिनामा निसानले आफ्नो पहिलो सब फोर मिटर एसयूभी म्याग्नाइट भारतीय बजारमा सार्वजनिक गर्ने अटोकार इन्डियाले उल्लेख गरेको छ ।
कम्पनीले नयाँ सब फोर मिटर एसयूभीको पहिलो टिजर गत जनवरीमा सार्वजनिक गरेको थियो । निसान किक्सले भारतीय बजारमा सोचे अनुसारको व्यापार गर्न नसकेपछि कम्पनीले नयाँ सेग्मेन्टमा म्याग्नाइट ल्याउन आँटेको हो ।
निसान ‘इएम२’ कोण नेममा उत्पादन भइरहेको यो सब फोर एसयूभी रेनो निसानको सिएमएफ-ए प्लस प्ल्याटर्फममा बन्ने छ । रेनोले आफ्नो क्वीड र ट्राइवर पनि यही प्ल्याटफर्ममा बनाएको हो ।
कम्पनीले यसमा १.० लिटर टर्बो चार्ज्ड इन्जिन दिने छ । उक्त इन्जिनले ९५ हर्सपावर प्रदान गर्नेछ । यसमा ५ स्पीड म्यानुयल र अटोमेटिक गियरबक्स दिइने छ ।
यसमा अन्य फिचर कस्ता रहने छन् भन्ने विषयमा कुनै जानकारी दिइएको छैन । तर, नयाँ सव फोर मिटर एसयूभीमा सनरुफ भने उपलब्ध हुने छ । साथै, कनेक्ट भेहिकल टेक्नोलोजी प्रयोग गरिने कम्पनीले जनाएको छ ।
निसान म्याग्नाइटले बजारमा मारुती सुजुकी भिटार ब्रेजा, टाटा नेक्सन, हुन्डाई भेन्यू, महिन्द्रा एक्सयूभी ३००, फोर्ड इकोस्पोर्ट जस्ता बजारमा स्थापित मोडलसँग हुने छ ।
यो निसानले उत्पादन गर्ने सबैभन्दा सस्तो मूल्यको एसयूभी हुने छ । संभवत यसको मूल्य हुन्डाई भेन्यूको जस्तै रहने छ ।