युरोपेली बजारमा रेट्रो स्टाइल मोटरसाइकलको बिक्री उच्च रहेको छ । एसियाली बजारमा पनि रेट्रो स्टाइल मोटरसाइकलको विस्तारमा यामाहा लागि पर्ने भएको छ । यामाहाले आगामी नोभेम्बरमा इन्डोनेसियमा रेट्रो स्टाइल मोटरसाइकल यामाहा एक्सएसआर१५५ सार्वजनिक गर्ने भएको छ ।
यो मोटरसाइकल युरोपमा बिक्री हुँदै आएको एक्सएसआर ९०० र एक्सएसआर ७०० बाट प्रभावित रहेको बताइएको छ । होन्डा सीबी १५० आरसँग प्रतिस्पर्धा गर्ने अनुमान गरिएको यामाहा एक्सएसआर१५५ मा १ सय ५५ सीसी इन्जिन हुनेछ । उक्त इन्जिनले १९.३ पीए पावर र १४.७ एनएम टर्क जेनेरेट गर्छ ।
यामाहा एक्सएसआर१५५ मा राउड हेडल्याम्पलगायत युनिक विशेषता दिइएको छ । यो मोटरसाइकल इन्डोनेसियामा २०१९ को नोभेम्बरमा सार्वजनि गर्ने तयारी यामाहाले गरेको छ ।
