अमेरिकन कार उत्पादक कम्पनी टेस्लाका सिइओ इलोन मस्कले कम्पनीको नयाँ इलेक्ट्रीक एसयुभी मोडल वाइ बजारमा ल्याउने तयारी अन्तिम चरणमा पुगेको बताएका छन् ।
मार्च १४ मा लस एन्जेलस डिजाइन स्टुडियोमा आफ्नो इलेक्ट्रीक क्रशओभर डेब्यु गर्ने भएको इलोनले बताएका हुन । सन् २००३ मा स्थापना भएको टेस्ला कम्पनीको यो तेस्रो इलेक्ट्रीक कार हो ।
मस्ककाअनुसार मोडल वाई कम्पनीको निक्कै चर्चित इलेक्ट्रीक कार मोडल थ्रीभन्दा १० प्रतिशत ठूलो रहेको छ । यसमा फल्कन विंग डोरको सट्टा नर्मल डोर दिइएको छ । यो इलेक्ट्रीक एसयुभीको ७५ प्रतिशत पार्ट मोडल ३ बाट लिइएको जनाइएको छ ।
कम्पनीले अहिलेसम्म यसको मूल्य र स्पेशिफिकेशनबारे कुनै जानकारी दिएको छैन ।
