काठमाडौं । टीभीएस दशैंको दौड अन्तर्गत नेपालका मूख्य मूख्य सहरहरुमा टीभीएस ह्विली बिट्स नामक कन्सर्ट र स्टन्ट शो हुने भएको छ ।
जगदम्बा मोटरले हालै नेपाली बजारमा ल्याएको अपाचे आरटीआर १६० २भी र रेडोन ११० को बिक्री वितरणको सुरुवात पनिसँगै हुने कम्पनीले जनाएको छ ।
उक्त कार्यक्रमको सुरुवात भोलि मंगलवार प्रदेश २ को राजधानी जनकपुरबाट सुरु हुने भएको कम्पनीका मार्केटिङ म्यानेजर नवराज कोइरालाले जानकारी दिए ।
‘अहिले हाम्रो टिम जनकपुरमा छ, भोलिको तयारी व्यापकरुपमा अगाडि बढेको र दशैं अगाडि देशका मुख्य सहरमा हामी पुग्ने छौं’ कोइरालाले मेरोअटोसँग भने ।
कार्यक्रमको मूख्य उद्देश्य नेपाली कला, संस्कृति सहयोग गर्दै जनकपुरधामको विशिष्ठ कला संस्कृतिको पौराणिक इतिहास भएकोले यसको सुरुवात जनकपुरबाट गरिएको कोइरालाले बताए ।
कार्यक्रममा स्टन्टका साथै नृत्य, गायन र अन्य मनोरञ्जनात्मक प्रस्तुति हुनेछ । यसमा लोकप्रिय राष्ट्रिय कलाकारका साथै स्थानीय कलाकारको समेत सहभागिता हुने बताइएको छ ।
