काठमाडौं । सुजुकीले जापानमा विक्री गर्ने अल्टो र मारुती सुजुकीले भारतमा उत्पादन गर्ने अल्टोमा आकाश जमिनको फरक पाउन सकिन्छ । सुजुकी र मारुती सुजुकीले आ-आफ्नो क्षेत्रमा इन्ट्री मोडलको रुपमा विक्री गर्ने अल्टोको बडी डिजाइन, फ्रन्ट फेसिका र इन्टेरियरमा निकै फरक पाउन सकिन्छ ।
जापानमा अल्टो ६५८ सीसी क्षमताको इन्जिनमा उपलब्ध रहेको छ । उक्त इन्जिनले अधिकतम ४६ पीएस पावर र ६५ एनएम टर्क प्रदान गर्छ ।
भारतमा मारुती सुजुकील बनाउने अल्टोमा ७९७ सीसी क्षमताको इन्जिन दिएको छ । उक्त इन्जिनले ४८ पीएस पावर ६९ एनएम टर्क प्रदान गर्छ ।
जापानमा विक्री हुने अल्टोमो लम्बाई ३३९५ एमएम, चौडाई १४९० एमएम र उचाई १४७५ एमएम रहेको छ । यसमा २४६० एमएमको ह्वीलवेस उपलब्ध छ । भारतीय बजारमा उत्पादन हुने अल्टो जापानको तुलनामा केही लामो छ तर, ह्वीलवेस छोटो छ ।
अल्टो ८०० को लम्बाई ३४४५ एमएम, चौडाई १४९० एमएम र उचाई १४७५ एमएम पाउन सकिन्छ । यसमा २३६० एमएमको ह्वीलवेस दिइएको छ ।
जापानमा बनेको अल्टोमा अगाडि डिस्क र पछाडि ड्रम ब्रेक उपलब्ध छ भने १३ इन्चको ह्वील उपलब्ध छ । मारुती सुजुकी अल्टोमा समान ब्रेकिङ सिस्टम दिइएको छ । ह्वील साइज भने एक इन्च सानो रहेको छ ।
जापानी अल्टोमा सुरक्षा फिचरको रुपमा एबीएस, ब्रेक एसिस्ट, सेन्ट्रल लकिङ, पावर विन्डो, सिटवेल्ट रिमाइन्डर, एयरव्याग, चाइल्ड सेफ्टीलक, किलेस इन्ट्री, क्र्याससेन्स, इन्जिन चेक वार्निङ, एन्टी थेप्ट डिभाइस जस्ता फिरच पाउन सकिन्छ ।
मारुती सुजुकी अल्टोमा पनि एबीएस, एयरव्याग, सिटवेल्ट रिमाइन्डर, क्र्यास सेन्सर, इन्जिन चेक वार्निङ जस्ता फिचर उपलब्ध रहेपनि ब्रेक एसिस्ट फिचर दिइएको छैन ।
दुबै देशमा नयाँ जेनेरेशन अल्टोको तयारी
सुजुकीले दुई महिना भित्रै जापानी स्पेकको अल्टोलाई नयाँ जेनेरेशन मोडलको रुपमा बजारमा उतार्ने तयारी गरिरहेको छ । मारुती सुजुकीले पनि अल्टो ८०० को नयाँ जेनेरेशन मोडलको परिक्षण गरिरहेको तस्विरहरु भारतीय मिडियाले प्रकाशित गरेका छन् ।
यसले भारतमा पनि अल्टोको नयाँ जेनेरेशन मोडल चाँडै आउने अनुमान गरिएको छ । कम्पनीले दुबै देशमा उत्पादन हुने अल्टोलाई आफ्नो नयाँ प्लेटफर्म ‘हार्टटेक’मा बनाउने छ ।
नयाँ जेनेरेशन अल्टोमा के कस्ता फिचर समावेस हुनेछन् भन्ने विषय बाहिर आएको छैन । तर, उत्कृष्ट माइलेजको लागि कम्पनीले यसमा माइल हाइब्रिड टेक्नोलोजीसँगै ०.८ लिटर नेचुरल्ली एस्पीरेटेड र १.० लिटर ड्यूलजेट इन्जिनको प्रयोग गर्न सक्ने अनुमान गरिएको छ । जुन केही दिनअघि नयाँ जेनेरेश सेलेरियोमा प्रयोग भएको थियो ।
