काठमाडौं । सरकारले जेठ १५ गते ल्याएको आर्थिक वर्ष २०७७/७८ को बजेटले इलेक्ट्रीक मोटरसाइकल तथा स्कुटरमा लाग्दै आएको सडक निर्माण दस्तुरमा वृद्धि गरेको छ । यसअघि विद्युतीय दुई पाङ्ग्रे सवारीसाधनमा लाग्दै आएको ७ हजार ५०० सडक निर्माण दस्तुरलाई बढाएर १२ हजार पुर्याइएको हो ।
नयाँ इलेक्ट्रीक मोटरसाइकलको मूल्य अब कम्तीमा ४ हजार ५०० रुपैयाँले बढ्ने छ ।
तर, कम्मबस्चन इन्जिन युक्त दुइपाङ्ग्रे सवारीसाधनमा भने यस बर्ष सडक निर्माण दस्तुरमा कुनै परिवर्तन गरिएको छैन । यसअघि
२०७५/७६ को बजेटबाट व्यवस्था गरिएको मोटरसाइकलको सीसी क्षमताका आधारमा २ लाखसम्म सडक निर्माण कर लाग्दै आएको छ ।
अहिले १५५ सीसीभन्दा कम क्षमताका मोटरसाइकलले १५ हजार सडक दस्तुर तिर्नु पर्छ । त्यस्तै १५६ सीसीभन्दा माथि २५० सीसीसम्मका बाइकले १८ हजार र २५१ देखि ४०० सीसीसम्मका बाइकले ५० हजार सडक दस्तुर तिर्नु पर्ने व्यवस्था रहेको छ ।
४०१ सीसीभन्दा माथिका बाइकले सडक दस्तुर नै एकमुष्ट २ लाख रुपैयाँ तिर्नु पर्छ ।
