सन् २०१७ मा फक्सवागेन आफ्ना गाडीको इमिसनको स्क्याण्डलमा फसेपछि अन्य प्रमुख ठूला गाडी कम्पनीहरुले पनि धमाधम आफूले गलत इमिसन तथा माइलेजको तथ्याङ्क देखाएको स्किार गरेका छन् ।
यसरी स्विकार गर्नेमा ठूला अटो मेकरहरु ड्याम्लर, जनरल मोटर्स, सुजुकी तथा मित्सुबिसी लगाएतका छन् ।
यही लहरमा जापानी अटो कम्पनी निशानले पनि हालै सो गल्ती स्विकारेको छ । कम्पनीले आफ्ना जापानी प्लान्टबाट उत्पादन भएको गाडीहरुबाट फाल्ने धुवाको तथ्यांकमा हेरेफेर गरेको बुझिएको छ ।
कम्पनीले कारहरु डेलिभरी दिनु भन्दा अघि गरिने विस्तृत परिक्षण तोकिएको वातावरणमा नगरिएको बुझिएको छ ।
यस टेस्टबाट गाडीले उत्पादन गर्ने इमिसन र माईलेजको रिजल्ट कम्पनीले चाहेको अनुसार बनाएको थियो । यस रिपोर्टलाई जापानी ट्रान्पोर्ट मन्त्रालयले विस्तृत अध्ययन गरिरहेको छ ।
