टीभीएस मोटर्सको प्लान्टबाट उत्पादन गरिएको बिएमडब्ल्यू बाइकको पहिलो सर्भिसिङ खर्च ९ हजार २ सय भारतीय रुपैयाँ आएको छ । जुन नेपाली रुपैयाँ १४ हजार ७ सय २० हुन्छ ।
बिएमडब्ल्यू मोटोरार्डले जुलाई महिनाबाट बिक्री सुरुगरेको ‘जी ३१० आर’ बाइकको सर्भिसिङमा निकै ठूलो रकम आएपछि भारतीय उपभोक्ताले रोष प्रकट गर्न थालेका छन् ।
हालै एक बिएमडब्ल्यू जि ३१०आर सवारीधनीले आफ्नो बाइकको पहिलो सर्भिसिङको बिल सोसल मिडिया सेयर गरेपछि यसको फेरि आलोचना सुरु भएको छ ।
कम्पनीले आफ्नो अर्थोराइज्ड सर्भिस सेन्टरमा बाइकको सर्भिसिङ गर्दा लगाएको शुल्क यसप्रकार रहेको छ ।
बिएमडब्ल्यू रनिङ इन चेक शिर्षकमा १ हजार ७९३ भारतीय रुपैयाँ लगाइएको छ भने, बाइक क्लिनिङ शिर्षकमा १ हजार ५६९ रुपैयाँ लगाईएको छ ।
इन्जिन आयल परिर्वतन शिर्षकमा १ हजार ९९६ रुपैयाँ र चेन स्प्रे शिर्षकमा १ हजार ४ सय ६२ भारतीय रुपैयाँ लगाएको छ । चेन क्लिनिङ शिर्षकमा १ हजार १६५ रुपैयाँसहित अतिरित्त भ्याटसमेत जोड्दा एक पटकको सर्भिसिङमा जम्मा ९ हजार २०० भारतीय रुपैयाँको बिल बनेको छ । उक्त बिलको बिबरणमा उल्लेख भए अनुसार इन्जिन आयल बाहेक कुनै पार्टस परिवर्तन गरिएको छैन ।
भारतीय प्लान्टमानै उत्पादन भएको यो बाइक सार्वजनिक भएदेखिनै आलोचित बन्दै आइरहेको छ । भारतीय बजारमा यसको मूल्य २ लाख ९९ हजार रहेको छ ।
