सुजुकीको प्रिमियम मोटरसाइकल हायाबुसाको नयाँ संस्करण भारतीय बजारमा सार्वजनिक भएको छ । कम्पनीले बुसाको २०२० सस्करण भारतीय बजारमा सार्वजनिक गरेको हो । यसको एक्स शोरुम मूल्य १३ लाख ७४ हजार भारु तोकेको छ ।
कम्पनीले यो मोटरसाइकललाई दुई कलरमा ल्याएको छ । मेटालिक थन्डर ग्रे र क्यान्डी डेरिङ रेडमा उपलब्ध सो सुपरबाइक बीएस–४ इन्जिनमै सार्वजनिक गरेको छ ।
बुसामा पुरानै इन्जिना रहेको छ । यसमा १३४० सीसी इनलाइन ४ सिलिन्डर, लिक्वीड कूल्ड, एफआई इन्जिन रहेको छ, यो इन्जिनले १९७ बीएच पावर तथा १५५ एनएम टर्क जेनेरेट गर्छ । यो इन्जिनमा ६ स्पीडको गियरबक्स जडान गरिएको छ । यसको फ्रन्टमा डबल तथा रियरमा सिगंल डिस्क ब्रेक उपलब्ध छ भने डबल च्यानल एबीएस उपलब्ध रहेको छ ।
यो मोटरसाइकल कम्पनीले सिमित संख्यामा मात्र निमार्ण गर्ने जनाएको छ ।
