काठमाडौं । तामाकोशी नदीमा निर्माणाधीन पुल भाँचिएको छ ।
रामेछापको मन्थली नगरपालिका वडा नं. ६ कुनाउरी र वडा नं. ७ भटौलीलाई जोड्ने तामाकोशी नदीको निर्माणधीन पुल आइतबारर बिहान भाँचिएको हो ।
२३० मिटर लामो र ११ मिटर चौडाइको उक्त पुल बीच भागबाटै भाँचिएर बगरमा खसेको छ ।
उक्त पुल निर्माणकै क्रममा गत वैशाख २६ गते बीच भागमा चर्किए पनि निमार्ण कम्पनीले चर्किएको ठाउँमा मर्मत गर्न मिल्ने बताएको थियो ।
कालिका/कल्पवृक्ष जोभीले निर्माण गरिरहेको उक्त पुल ठेक्का सम्झौता अनुसार आगामी भदौ मसान्तसम्म सम्पन्न गर्नु पर्नेछ ।
यस पुलको लागत २२ करोड ५५ लाख ४० हजार रुपैयाँ रहेको छ ।
