काठमाडौं । चिनियाँ न्यू इनर्जी भेहिकल कम्पनी बीवाइडीले सन् २०२४ को सेप्टेम्बरमा झण्डै सवा ४ लाख युनिट सवारी साधन बिक्री गरेको तथ्यांक सार्वजनिक भएकाे छ ।
कम्पनीले सार्वजनिक गरेको तथ्यांक अनुसार सेप्टेम्बरमा ४ लाख १९ हजार ४२६ युनिट भेहिकल बिक्री गरेको हो । बीवाइडीको बिक्री विगत ३ महिना देखि निरन्तर बढिरहेको छ ।
बीवाइडी नेपाली अटो बजारमा इलेक्ट्रीक भेहिकल उत्पादकका रुपमा चिनिए पनि कम्पनीको बिक्रीको ठूलो हिस्सा भने प्लगइन भेहिकल रहेको छ ।
सेप्टेम्बरमा बीवाइडीले २ लाख ५२ हजार ६४७ युनिट पीएचईभी बिक्री गरेको थियो भने १ लाख ६४ हजार ९५६ युनिट बीईभी बिक्री भएको थियो । कम्पनीको कुल बिक्रीमा ६०.२३ प्रतिशत हिस्सा पीएचईभीको रहेको छ भने ३९.७६ प्रतिशत ब्याट्री इलेक्ट्रीकको रहेको छ ।
बीवाइडीको पीएचईभी बिक्री सन् २०२३ को सेम्टेम्बरको तुलनामा ८६.१७ प्रतिशत र ब्याट्री ईभी ९.१० प्रतिशतले बढेको छ ।
