भारतमा दोस्रो कार्यकालको लागि नरेन्द्र मोदीको नेतृत्वमा सरकार निर्माण भएसँगै १५० सीसीभन्दा कम क्षमताका मोटरसाइकल तथा स्कुटर निर्माणमा रोक लगाउने कुरा अगाडि आएको छ ।
भारतको नीति आयोगले सन् २०२५ सम्ममा यस्ता सना इन्जिन क्षमताका सबै बाइक तथा स्कुटर बन्दगरि इलेक्ट्रीक सवारीसाधन उत्पादन गर्ने विषयमा छलफल गरिरहेको छ ।
केही दिनअघि प्रधानमन्त्री मोदीले बजाज, हिरो, होन्डा र टीभीएसका कार्यकारी प्रमुखलाई बोलाएर यस्ता साना सवारीसाधनलाई इलेक्ट्रीकमा लाने तयारीको विषयमा छलफल गरेका थिए ।
त्यस छलफलपछि नीति आयोगले सबै दुईपाङ्ग्रे सवारीसाधन उत्पादक कम्पनीलाई आफ्नो भावि रणनीति अनुसार एक हप्ता भित्र प्रस्ट प्लानसहित आउन भनेको छ ।
मोटरसाइकल बढ्दो प्रदुषणको मुख्य कारक भएको मान्दै अब साना सीसीका सवारीसाधन अनिर्वाय इलेक्ट्रीक गर्न लागिएको हो । नीति आयोगले यस विषयमा छलफल गर्न शुक्रबार बैठक बोलाएको छ ।
