काठमाडौं । मध्यपूर्वमा तनावका बीच टर्कीस एयरलायन्सले नेपालमा उडान नियमित रहेको जनाकारी दिएको छ ।
कम्पनीले एक सूचना प्रकाशित गर्दै इस्तानबुल-काठमाडौं-इस्तानबुल नियमित उडान सेवा सामान्य रूपमा संचालन भइरहेको जनाएको हो ।
त्रिभुवन अन्तर्राष्ट्रिय विमानस्थलका लागि नियमित उडानहरूमा कुनै अवरोध नरहेको एयरलाइन्सले जनाएको छ ।
एयरलाइन्सले आइतबारका लागि निर्धारित उडान तालिका अनुसार नै संचालन भइरहेको जनाइएको छ ।
शनिबार इजरायल र अमेरिकाले इरानमा आक्रमण गरेपछि खाडी क्षेत्रको हवाई आकाश बन्द गरिएको थियो ।
