धनगढी । सुदूरपश्चिमको धनगढीमा प्रोटोन इमास फाइभ सार्वजनिक भएको छ । नेपालका लागि प्रोटोनको आधिकारिक बिक्रेता जगदम्बा मोटर्स प्रालिले धनगढीमा इमास फाइभ बिक्री सुरू गरेको हो ।
कम्पनीले प्रोटोन इमास फाइभ प्राइम र प्रिमियम गरी दुई भेरियन्टमा उपलब्ध गराएको छ। कम्पनीले विशेष छुट दिँदै प्राइम भेरियन्टको विशेष सुरुवाती मूल्य २९.९९ लाख र प्रिमियम भेरियन्टको ३४.९९ लाख रुपैयाँ तोकेको छ । कम्पनीका अनुसार यी विशेष मूल्यहरू पहिलो १०० ग्राहक तथा सीमित अवधिका लागि मात्र लागू हुनेछन्।
नेपालमा प्रोटोन ब्राण्डको दोस्रो विद्युतीय सवारीका रूपमा ल्याइएको इ।मास ५ ले सहरी जीवनशैली र दैनिक यात्रालाई अझ सहज, स्मार्ट र आधुनिक बनाउने लक्ष्य लिएको कम्पनीले जनाएको छ।
इमास फाइभले हालै मलेसियाको प्रतिष्ठित एलियान्ज डीएसएफ भेइकल अफ द इयर अवार्ड्स २०२६ मा ‘इलेक्ट्रीक कम्प्याक्ट भेइकल अफ द इयर २०२६’ अवार्ड जितेको थियो ।
प्रोटोन इमास फाइभ अत्याधुनिक प्रविधि र इन्टेलिजेन्ट डिजाइनको उत्कृष्ट संयोजन हो। यसमा १४.६ इन्चको टचस्क्रीन इन्फोटेनमेन्ट सिस्टम, वायरलेस एप्पल कारप्ले र एन्ड्रोइड अटो सुविधा उपलब्ध छ। साथै, ७० लिटरको फ्रन्ट ट्रङ्क, ३७५ लिटरको विस्तारयोग्य पछाडिको लगेज कम्पार्टमेन्ट तथा ३२ वटा स्टोरेज कम्पार्टमेन्ट सहितको व्यावहारिक डिजाइनले दैनिक प्रयोगदेखि लामो दूरीको यात्रासम्म सहज अनुभव प्रदान गर्दछ।
जगदम्बा मोटर्सका सिनियर जनरल म्यानेजर सुशील क्षेत्रीले आधुनिक प्रविधि, उत्कृष्ट सुरक्षा, व्यावहारिक उपयोगिता र आकर्षक मूल्यको संयोजनले इमास फाइभ यस क्षेत्रका ग्राहकहरूको रोजाइ बन्नेमा विश्वस्त रहेको बताए ।
‘प्रोटोनसँगको हाम्रो सफल साझेदारीलाई निरन्तरता दिँदै आज हामी सुदूरपश्चिमका ग्राहकहरूका लागि प्रोटोन इमास फाइभ सार्वजनिक गर्न पाउँदा अत्यन्तै खुशी छौं। आधुनिक प्रविधि, उत्कृष्ट सुरक्षा, व्यावहारिक उपयोगिता र आकर्षक मूल्यको संयोजनले इ।मास ५ यस क्षेत्रका ग्राहकहरूको रोजाइ बन्नेमा हामी विश्वस्त छौं। दिगो यातायाततर्फ नेपालको यात्रालाई थप गति दिँदै विश्वस्तरीय विद्युतीय सवारी नेपाली बजारमा उपलब्ध गराउन पाउनु हाम्रो लागि गर्वको विषय हो,’ उनले भने ।
मलेसियाको अग्रणी राष्ट्रिय अटोमोबाइल ब्रान्ड प्रोटोनले सन् २०१७ देखि जिलीसँगको रणनीतिक साझेदारीमार्फत आफ्नो अन्तर्राष्ट्रिय विस्तारलाई तीव्र बनाउँदै आएको छ।
हाल प्रोटोन इमास मलेसियाको अग्रणी विद्युतीय सवारी ब्रान्डका रूपमा स्थापित भइसकेको छ र नेपालसहित विभिन्न अन्तर्राष्ट्रिय बजारमा आफ्नो उपस्थिति निरन्तर विस्तार गरिरहेको छ।
इच्छुक ग्राहकहरूले धनगढीस्थित प्रोटोन सोरुममा पुगेर नयाँ प्रोटोन इमास फाइभको प्रत्यक्ष अवलोकन, टेस्ट ड्राइभ तथा यसको आधुनिक विशेषताहरू अनुभव गर्न सक्नेछन्। साथै, सीमित अवधिका लागि लागू हुने विशेष सुरुवाती मूल्यमा बुकिङसमेत खुला रहेको कम्पनीले जनाएको छ।
