पोखरा । प्रोटोनले पर्यटकीय राजधानी पोखरामा नयाँ शोरुप संचालनमा ल्याएको छ ।
प्रोटोनको आधिकारिक वितरक जगदम्बा मोटर्सले आफ्नो उपस्थिति विस्तार गर्ने क्रममा पोखराको बुद्ध चोकमा आधिकारिक शोरुम संचालनमा ल्याएको हो ।
यो देशव्यापी विद्युतीय सवारी साधन (ईभी) नेटवर्क स्थापना गर्ने प्रोटोनको फराकिलो योजनाको एक महत्वपूर्ण हिस्सा रहेको कम्पनीले जनाएको छ ।
नयाँ शोरुममा प्रोटोनको इमास ७ सार्वजनिक समेत गरिएको थियो । उपस्थित पाहुनाहरूलाई प्रोटोन ईमास ७ को प्रमुख विशेषता, यसको स्मार्ट प्रविधि र दिगो यातायातप्रतिको प्रतिबद्धता बारेमा जानकारी गराइएको थियो ।
साथै, प्रोटोनले सम्भावित ग्राहकहरूको लागि टेष्ट ड्राइभ दर्ता, व्यक्तिगत परामर्श, सजिलो फाइनान्स र सरकारी अनुदान विकल्पहरूमा बारे पनि सहजीकरण समेत गरेको छ ।
नयाँ शोरुम उद्घाटनको अवसरमा कम्पनीले पहिलो हप्ताको लागि पोखरामा प्रोटोन ग्राहकहरूको लागि शून्य प्रतिशत ब्याजदरको घोषणा गरेको छ ।
त्यस्तै, कम्पनीले बिक्री पछिको सेल्स सपोर्टलाई अझ विश्वासिलो बनाउन पोखरा भित्र तेस्रो सर्भिस सेन्टर पनि संचालनमा ल्याएको छ ।
जगदम्बा मोटर्स, प्रोटोन नेपालका कार्यकारी निर्देशक अखिल गुप्ताले पोखरामा प्रोटोनको विस्तारले देशको स्वच्छ ऊर्जा क्रान्तिमा अग्रणीको रूपमा आफ्नो स्थानलाई पुनः पुष्टि गरेको बताए ।
‘प्रोटोन नेपाललाई प्राकृतिक सौन्दर्य र अग्रगामी मानसिकता दुवैलाई मूर्त रूप दिने शहर पोखरामा ल्याउन पाउँदा हामी गर्व गर्छौं । यो विस्तारको साथ, हामी पश्चिमी क्षेत्रभरका व्यक्ति र परिवारहरूका लागि स्वच्छ र स्मार्ट गतिशीलतालाई अझ पहुँचयोग्य बनाउने लक्ष्य राखेका छौं र यो त सुरुआत मात्र हो ।’
नेपाल विद्युतीय यातायात र वातावरणीय चेतनातर्फ द्रुत गतिमा अघि बढिरहेको बेला, पोखरामा प्रोटोनको विस्तारले देशको स्वच्छ ऊर्जा क्रान्तिमा अग्रणीको रूपमा आफ्नो स्थानलाई पुनस् पुष्टि गरेको छ,’ उनले भने ।
