काठमाडौं । नेपालका लागि स्कोडाको आधिकारिक विक्रेता स्कोडा एमएडब्लुले स्कोडा कोडियाकको नयाँ भेरियन्ट लरिन एन्ड क्लेमेन्ट (एल एन्ड के) एडिसन सार्वजनिक गरेको छ । स्कोडाको पहिलो फुल साइज एसयूभीका रुपमा स्कोडा कोडियाक केही महिना अघि नेपाली बजारमा आएको थियो ।
‘एल एन्ड के’ भेरियन्टमा रहेको आर्कषब डिजाइन र प्रिमियम फिचरहरुले स्कोडा कोडियाकलाई अझै माथि पुर्याउने अपेक्षा स्कोडा एमएडब्लुले गरेको विज्ञप्तीमा उल्लेख गरेको छ ।
कोडियाकको ‘लरेन एन्ड क्लेमेन्ट’ ब्याजले स्कोडाका संस्थापकहरुको सम्झना दिलाउँछ जो सर्वोत्कृष्ट शिल्पी, क्रान्तिकारी प्राविधिक डिजाइन र ‘पर्सोनलाइजेसन’लाई प्राथमिकता दिन्थे ।
स्कोडा कोडियाक ‘एल एन्ड के’ पाँच कलर अप्सन ‘लाभा ब्लु’, ‘क्वार्ज ग्रे’, ‘मुन ह्वाइट’, ‘म्याजिक ब्ल्याक’ र ‘अल न्यु म्याग्नेटिक ब्राउन’मा उपलब्ध भएको छ । यसको मूल्य बजारमा एक करोड ५८ लाख रुपैयाँ तोकिएको छ ।
डिजाइन
कोडियाक एल एन्ड केको एक्सटेरियर डिजाइन र फिचरहरुले तत्काल ध्यान आकृष्ट गर्छ । यसको फेसियामा विशेष किसिमको क्रोम ग्रिल दिइएको छ । यसको स्वरुपलाई ‘आई ल्यास’ जस्तो देखिने एलईडी हेडलाइट र १८ (आर) त्रिनिटी एलोय ह्वीलले विशेष बनाएको छ ।
पछाडिको भागमा स्कोडाको टिपिकल ‘सी’ आकारको एलइडी टेललाईटमा क्रिस्टलाइन इलेमेन्टहरु राखिएका छन् । पछाडिको बम्परमा रहेको क्रोम ट्रिमले ‘एक्जस्ट पाइप’ र ‘डिफ्युजर’लाई छुट्याएको छ भने ‘सिल्भर रुफ रेल’ले यसको ‘प्रिमियमनेस’लाई अझ बढाइदिएको छ । ‘फ्रन्ट विंग्स’मा राखिएको ‘एल एन्ड के’ ब्याज उत्कृष्ट पेन्टिङ जस्तै देखिन्छ ।
कम्फोर्ट र कन्भिनियन्स
कोडियाकको सबैभन्दा विलासी भर्सन ‘एल एन्ड के’मा धेरै ‘इनोभेटिभ’ फिचरहरु पाइन्छ जुन अरु धेरैमा पाइँदैन । बडीको विभिन्न स्थानमा राखिएका चार वटा ‘वाइड एंगल’ क्यामेरामार्फत ३६० डिग्री ‘सराउन्ड एरिया भ्यु’ देखिन्छ ।
त्यसैगरी, ‘ह्यान्ड फ्रि पार्किङ’ले पार्किङ गर्न सहज बनाउँछ । यसको मद्दतले ‘प्यारेरली’ वा ‘पर्पेन्डिकुलरी’ पार्क गरिराखेको गाडीको भीडमा पार्किङ गर्ने उत्तम ठाउँ पत्ता लगाउन सहयोग पुर्याउँछ ।
‘सिम्प्ली क्लेभर’ फिचर
स्कोडा कोडियाकमा रहेका ‘सिम्प्ली क्लेभर’ फिचरहरुबाट स्कोडा सदा ‘मोर कार’ दिन तत्पर रहेको कुरालाई पुष्टि गर्छ । व्यवहारिक र आरामदायी साना अनि ठूला सुविधाले यात्रालाई आनन्ददायी बनाइदिन्छ ।
‘डोर एज प्रोटेक्सन’ एउटा उदाहरण हो । जब कारको ढोका खोलिन्छ तब अटोमेटिकल्ली एउटा ‘प्रोटेक्सन शिल्ड’ निस्कन्छ जसले ढोकाको मेटललाई भित्ता वा अन्य कारमा डाइरेक्टली ठोकिनबाट बचाउँछ । जब ढोका बन्द गरिन्छ तब यो शिल्ड आफैं भित्र जान्छ । त्यसैगरी, अगाडि रहेको ‘प्रोएक्टिभ इलेमेन्ट’ले फ्रन्ट बम्परमा स्क्र्याच हुनबाट बचाउँछ ।
कोडियाक एल एन्ड के ‘सिम्प्ली क्लेभर’ ‘पावर न्याप प्याकेज’ले लामो यात्राका क्रममा पछाडिका पेसेन्जरलाई आनन्दले सुत्न सहयोग गर्छ । यसमा टाउकोको पोजिसनलाई सपोर्ट गर्ने ‘हेड रेस्ट’ र दुई वटा ब्ल्यांकेटहरु पनि उपलब्ध छन् ।
कोडियाक ‘एल एन्ड के’मा ‘डिजिटल भ्वाइस इन्ह्यान्समेन्ट’ फिचर दिइएको छ । यो प्रविधिले ककपिटमा रहेको माइक्रोफोनको सहयोगमा अगाडि र पछाडिका यात्रीहरुबीच सहज संवाद गर्न सहयोग गर्छ ।
‘पावरफुल पर्फर्मेन्स‘
स्कोडा कोडियाक ‘एल एन्ड के’को सुन्दरतालाई यसको आकर्षक पर्फर्मेन्सले साथ दिएको छ । २.० टिडीआई (अल ह्विल ड्राइभ र अटोमेटिक) डिजेल इन्जिनले १५० पीएस पावर र ३४० एनएम टर्क उत्पन्न गर्छ ।
इलेक्ट्रोनिक कन्ट्रोलसहितको अल ह्विल ड्राइभ सिस्टमले ‘ट्रयाक्सन, स्टाबिलिटी र सेफ्टी’लाई राम्रो बनाएको छ । यसमा इलेक्ट्रिकल्ली कन्ट्रोल हुने ‘मल्टिप्लेट क्लच’समेत दिइएको छ, जसले कोडियाकको अफरोड क्षमतालाई बढाउँछ ।
