चीनले चार वर्षभित्रमा ३ करोड स्वचालित कार उत्पादन गर्ने

एजेन्सी । चीनले ३ आगामी केही वर्षभित्र ३ करोड स्वचालित कार उत्पादन गर्ने घोषणा गरेको छ ।

चीनका चिप्स उद्योग तथा होराइजन रोबटिक्स इन्क कम्पनीले उक्त गाडी उत्पादनको अध्ययन सम्पन्न गरेकोले केही वर्षभित्रै ३ करोड सेल्फ ड्राइभिङ कार उत्पादन गर्ने घोषणा गरेको हो ।

चीनको राजधानी बेइजिङमा आधारित कम्पनी नाभिदा कर्प तथा मोविलिए एनभीले व्यावसायिकरुपमा उक्त कारहरू उत्पादन थालेका छन् । सन् २०२१ सम्ममा चिनियाँ उक्त कम्पनीहरूले ५ अर्ब डलरभन्दा लगानी गर्ने घोषणा पनि गरेका छन् ।

होराइजन रोबटिक्स कम्पनीले चीनमा स्मार्टफोनको उत्पादनको साथै चन्द्रमामा रहेका खाली स्थानहरूको बारेमा समेत अध्ययन गरिहेको छ । चीन सरकारले पछिल्लो समय लिएको औद्योगिक नीतिअनुरुप कम्पनीले स्वचालित कार उत्पादनमा जोड दिने बताएको हो । 

चीनले पछिल्लो समय उच्च प्रविधिको साथै सुरक्षा विशेषगरी अमेरिकाले उत्पादन गर्ने प्रविधिको प्रतिरक्षासमेत ध्यान दिँदै नयाँ प्रविधिमा लागानी बढाएको छ,’ बेइजिङ स्थित माइक्रोइलोक्ट्रोनिक्स सिंगह्वा विश्वविद्यालयका निर्देशक वाई साओजोनले भने ।

चीनले खासगरी ‘सेल्फ रिलायन्स’ सम्पत्तिमा ध्यान दिन राष्ट्रपति सी जिङ पिङ प्रशासनले २ सय अर्ब युआन लगानी कोषसमेत बनाउने घोषणा गरको छ । 

विश्वकै ठूलो कार बजार तथा इलेक्ट्रीक भेकल मार्केट चीन रहेकाले पनि नयाँ प्रविधिहरू सफल हुने दावी निर्देशक साओजोनको छ । चीन सरकारले कार उत्पादक कम्पनीहरूलाई बढी प्रविधिको प्रयोग गर्दै सुरक्षित बनाउनेमा ध्यान केन्द्रित गर्न निर्देशनसमेत दिएको छ । सन् २०२० सम्ममा उत्पादक कम्पनीहरूले १ सय अर्ब युआन लगानी गर्ने घोषणासमेत गरेका छन् । 

चीनमा इलेक्ट्रीक गाडी र स्वचालित कारमा लगानीको प्रक्षेपण 

चीनमा फक्सवागेनले स्थानीय कम्पनी चोङ्याङ चाङ्गन अटोमोबाइल्स कम्पनीसँग मिलेर स्वचालित कारमा लगानी गर्दैछ । त्यस्तैगरी, फोर्ड मोटर्सले रोवर्ट बोस कम्पनीसँग भविष्यमा आवश्यक पर्ने प्रविधि आपूर्तिको सम्झौता गरेको छ । चाङ्गन स्वाचलित कारले केही समय अगाडि चीनमा १ हजार २ सय माइल पार गरेको थियो । 

उत्पादक कम्पनीहरूले पछिल्लो समय स्वचालित कारको लिडलाइट, ब्रेकलाइट, प्रोसेसिङ डाटा, राडार र क्यामेराको सेन्सर तथा व्याट्रीमा विशेष ध्यान दिइरहेका छन् । 

फक्सवागेनको अडी गाडीलाई चिनियाँ होराइजन रोबटिक्स कम्पनीले चिनियाँ स्फेसिक प्रोजेक्टमा समाहित गर्ने तयारी गरेको छ । बेइजिङस्थित अडी गाडी कम्पनीका प्रवक्ता जोन ब्राथले अबको नयाँ कदम भनेको अडीलाई स्वचालित कारको रुपमा विकास गराउनको लागि सहकार्य गर्ने बताएकी छन् । 

बेइजिङस्थित टुसिम्पल इन्क कम्पनीले स्टार्टअप डेप्लभिङ कम्पनीसँग मिलेर स्वचालित ट्रक बनाउने अध्ययनसमेत सुरु गरेको छ । कम्पनीहरूले कमर्सियल भेकलमा समेत स्वाचलित बनाउनका लागि आगामी सांघाईमा अर्को वर्ष डेमो सार्वजनिक गर्ने बताएको छ ।