काठमाडौं। शाओमीले आकर्षक डिजाइन, लामो ब्याट्री क्षमता, उन्नत स्वास्थ्य निगरानी तथा खेलकुदसम्बन्धी स्मार्ट सुविधासहितको नयाँ शाओमी घडी एस फाइभ ४६ एमएम सार्वजनिक गरेको छ।
शाओमीले एस फाइभ ४६ एमएमको नेपाली बजार मूल्य ३९ हजार ९९९ रुपैयाँ तोकेर बिक्री सुरु गरेको हो ।
एस फाइभ ४६ एमएम घडीमा १.४८ इन्चको एमोलेड डिस्प्ले, ४८०/४८० पिक्सेल रिजोलुसन, ३२३ पीपीआई र २५०० निट्ससम्मको उच्च चमक रहेको छ। जसले घाममा पनि स्पष्ट दृश्य प्रदान गर्छ। स्टेनलेस स्टिल फ्रेम, विभिन्न बेजेल र स्ट्र्यापका विकल्प तथा करिब ४६ ग्राम तौलका कारण यो हलुका, आकर्षक र आरामदायी रहेको कम्पनीले जनाएको छ।
यसमा ८१ मेगाहर्ज क्षमताको ब्याट्री छ। जसले सामान्य प्रयोगमा एक पटकको चार्जमै अधिकतम २१ दिनसम्म साथ दिन्छ। साथै, मुटुको धड्कन, रगतमा अक्सिजनको मात्रा एसपिओ टु, निद्रा तथा अन्य स्वास्थ्य सूचकहरूको सटिक निगरानी गर्ने सुधारिएका सेन्सर र एल्गोरिदम समावेश छन्। साप्ताहिक तथा मासिक निद्रा प्रतिवेदन र स्लिप एचआरभी जस्ता सुविधाले प्रयोगकर्तालाई आफ्नो स्वास्थ्यबारे थप जानकारी उपलब्ध गराउँछन्।
खेलकुदप्रेमीका लागि यसमा १५० भन्दा बढी खेल तथा व्यायाम मोड, डुअल -ब्यान्ड पाँच प्रणालीयुक्त जिएनएसएस, तथा साइकल यात्राका लागि स्मार्टफोनसँग जोडिने रियल टाइम ड्यासबोर्ड सुविधा उपलब्ध छ। नयाँ प्यासन मोडले ताली बजाउने, हात हल्लाउने वा मुट्ठी कस्ने जस्ता गतिविधिलाई पहिचान गरी मुटुको धड्कन, खर्च भएको क्यालोरी तथा उत्साह अभिव्यक्तिको विवरण अभिलेख राख्न सक्छ।
यस स्मार्ट घडीमा ब्लुटुथ ५.४, एनएफसी, फाईभ एटिएम पानी प्रतिरोधी क्षमता तथा प्रिमियम डिजाइनको संयोजन रहेको छ। आधुनिक जीवनशैली, स्वास्थ्य निगरानी र सक्रिय खेलकुद गतिविधिका लागि यो घडी उत्कृष्ट रोजाइ हुने कम्पनीको विश्वास रहेको जनाएको छ।
