काठमाडौं । यामाहा एरोक्स १५५ स्पोर्टी र स्टाइलिस स्कुटर मलेसिया, इन्डोनेसिया, भियतनाम र फिलिपिन्समा बिक्री वितरण भइरहेको छ । यसअघि दिल्ली मोटर शोमा देखाइएको शो स्कुटर बिभिन्न समयमा टेष्टिङको लागि भारतीय सडकमा देखिएको थियो ।
अब उक्त स्कुटर यामाहाको डिलरमा पुगेको भारतीय मिडियाहरुले जनाएका छन् । निकै आकर्षक डिजाइन रहेको यो स्कुटरमा निकै पावरफुल इन्जिन दिइएको छ । यामाहाले अब चाँडै यो स्कुटरलाई भारतीय बजारमा ल्याउने बताएको छ ।
यसको मूल्य भारतीय बजारमा ७० दखि ८० हजार भारतीय रुपैयाँको बीचमा रहने आँकलन गरिएको छ । यसको सिधा प्रतिस्पर्धा भने अप्रीलिया एसआर १५० र सुजुकी वर्गम्यानसँग हुने छ ।
विशेषता
१५५ सीसी लिक्विड कुल्ड ४ स्टोक इन्जिन दिइएको एरोक्सले १४।८ बिएचपी पावर र १४।४ एनएम टर्क उत्पादन गर्छ । सिभिटी अटोमेटिक गियर, १४ इन्चिको अलोइ ह्वील, टिउलेस टायर, अगाडिको चक्कामा डिस ब्रेक, सिंगल च्यानल एबीएसजस्ता विशेषता रहेका छन् ।
साथै, अगाडिको भागमा डाइनामिक मोनोसक, एलइडी टेल ल्याम्प, स्मार्ट कि स्स्टिम, मोवाइल चार्जिङ प्वाइन्ट, डिजिटल इन्स्टुमेन्ट कन्सोलको र ५।८ इन्च एलइडी स्कृन दिइएको छ ।
नेपालमा कहिले ?
नेपाली बजारमा यो स्कुटर आउन केही समय लाग्ने छ । नेपालको लागि यामाहाको आधिकारीक बिक्रेता मोरङ अटो वर्कसका अनुसार भारतीय बजारमा आएको केही समयपछि नेपाल ल्याउन प्रयास हुने छ । अहिले भारतीय बजारमा आउने क्रममा रहेकाले नेपाल कहिले आउँछ अहिल्यै भन्न सकिने अबस्था छैन ।
