महिन्द्राको इलेक्ट्रीक कार इ भेरिटो नेपालमा, यस्तो छ मूल्य र इस्पेसिफिकेसन

काठमाडौं । भारतीय अटो निर्माता कम्पनी महिन्द्राले उत्पादन गरेको इलेक्ट्रीक कार ‘ई–भेरिटो’ नाडा अटो शोमा प्रर्दशनी गरिने भएको छ । यसअघि महिन्द्राको इटुव प्लस बिक्री वितरण गर्दै आएको नेपालको लागि आधिकारी बिक्रेता अग्नी इनकर्पोरेटले नेपाली बजारमा पुनः अर्को इलेक्ट्रीक कार ल्याएको हो । 

सानो स्मार्ट इलेक्ट्रीक कार उत्पादन गर्दै आएको महिन्द्राको ई भेरिटो सेडान कार हो । यसलाई महिन्द्राले २०१६ मा नै भारतीय बजारमा सार्वजनिक गरेको थियो । कम्पनीले भारतीय बजारमा दिल्लीबाट बिक्री–वितरण सुरु गरेको उक्त कार ब्यवसायीक उत्पादन भन्दापनी सरकारी टेन्डको लागि उत्पादन हुँदै आएको थियो । 

ई–भेरिटोमा ७२ भोल्टको मोटर लगाइएको यस कारले ४० बीएचपी पावरका साथै ९१ एनएम टर्क उत्पादन गर्छ । कारको टप स्पीड क्षमता ८६ किलोमिटर प्रतिघन्टा रहेको छ । एक पटकको फुल चार्जमा कारलाई एक सय १० किलोमिटरसम्म गुडाउन सकिन्छ । 

महिन्द्राले यस कारमा जडान गरेको रि–जेनेटिभ ब्रेकिङ प्रणालीले पावर तथा ब्याट्रीलाई चार्ज गर्ने गर्छ । यसको अलवा महिन्द्राले ई–भेरिटोमा फास्ट चार्जिङ सिस्टम लगाएको छ । यसको सहयोगमार्फत् एक घन्टा ४५ मिनेटमा ८० प्रतिशत चार्ज हुने छ । यसलाई चार्जगर्न १५ एम्पीयरको पावर आवस्यकता पर्छ । 

यसलाई कम्पनीले नाडा अटो शो बाट नै आधिकारीकरुपमानै विक्री वितरण सुरु गर्ने भएको छ । कम्पनीले अहिल्यै यसको मूल्य तोकिनसकेको भएपनि करिब २६ लाखदेखि २९ लाख रुपैयाँको भित्रमा मूल्य निर्धारण हुने अनुमान लगाउन सकिन्छ ।  

यस्तो छ पुरा इफेसिफिकेसन