काठमाडौं । नारायणगढ-मुग्लिन सडक ८ घण्टापछि दुईतर्फी संचालनमा आएको छ ।
जिल्ला प्रहरी कार्यालय चितवनका अनुसार बिहीबार राति १०:५५ बजे समयमा चितवनको इच्छाकामना गाउँपालिका-५ तुइनखोलामा सुक्खा पहिरो खसी सडक दुईतर्फी अवरुद्ध भएको थियो ।
अवरुद्ध सडकको पहिरो पन्छाइ राति ११:५५ बजदेखि एकतर्फी सवारी संचालनमा ल्याएकोमा आज बिहान ७:१५ बजेदेखि भने दुईतर्फी संचालनमा आएको जिल्ला प्रहरी कार्यालय चितवनले जनाएको छ ।
उनका अनुसार पहिरोसँगै खसेको ढुंगाले लागेर ना ६ ख १५२२ नम्बरको बसको अगाडि सिसामा क्षति पुगेको छ ।
