रोयल एनफिल्डले केही समय अगाडि आफ्नो लिमिटेड एडिशन क्लासिक ५०० पेगासस लन्च गरेको थियो ।
कम्पनीले २५० युनिटमात्र उत्पादन गरेको यो बाइक अनलाइन मार्फत मात्र बेच्ने घोषणा गरेको थियो ।
अनलाइन बुकिङको आधारमा पहिलो २५० जनाले बाइक खरिद गर्न पाउने कम्पनीले जनाएको थियो । कम्पनीले बुकिङ्ग खोलेको पहिलो दिननै कम्पनीको वेबसाइट क्रयास भएको हो।
जम्मा १ हजार युनिट मात्र उत्पादन हुने पेगासस कम्पनीले भारतीय बजारमा २५० युनिट बिक्रि गर्ने भएको छ । कम्पनीले क्लासिक पेगासस ससांर भरिनै अनलाइन मार्फत बिक्री गर्ने भएको छ ।
कम्पनी यो बाइकमा टेक्निकल परिर्वतन गरेको छैन भने, बाहिरि आवरणमा बिषेश परिवर्तन गरेको छ । कम्पनीले दोस्रो बिश्वयुद्धमा प्रयोग भएको फ्लाइग फ्ली बाइकबाट प्रेरित भएर यो लिमिटेड एडिशन पेगासस बनाएको बताइएको छ ।
रोयल एनफिल्ड क्लासिक पेगासस ५०० मा ४९९ सीसी क्षमताको एयर कुल्ड सिगंल सिलिन्ड इन्जिन रहेको छ । ५ हजार २ सय ५० आरपीएममा २७.२ पावर तथा ४ हजार आरपीएममा ४१.३ एनएम पीक टर्क जेनेरेट गर्ने यो बाइकको तौल १९४ केजी रहेको छ ।
