काठमाडौं । टाटा मोटर्सले मे, २०२१बाट आफ्नो पहिलो माइक्रो एसयूभी ‘एचबीएक्स’ भारतको विक्री सुरु गर्ने भएको छ । कम्पनीले ल्याउन लागेको नयाँ माइक्रो एसयूभी नेक्सनभन्दा कम मूल्यमा बजारमा आउने छ ।
टाटाले सन् २०२० अटो एक्स्पोमा प्रदर्शनी गरेको ‘एचबीएक्स’ अल्फा प्ल्याटफर्ममा उत्पादन गरिरहेको छ । एचबीएक्सलाई २.० इम्प्याक्ट डिजाइनको प्रयोग गरेको छ । कम्पनीले आधिकारीक रुपमा यसमा रहेको इन्जिन लगायतका विषयमा जानकारी दिएको छैन ।
यद्यपी कम्पनीले अटो एक्सपो २०२० मा प्रदर्शनी गरेको एचबीएक्समा १.२ लिटर, इनलाइन थ्रि सिलिण्डर इन्जिन दिएको थियो । उक्त इन्जिनले ८६ पीएस पावर र ११५ एनएम टर्क प्रदान गर्छ ।
विभिन्न रिपोर्टका अनुसार १.५ लिटर डिजेल इन्जिन अप्सन पनि उपलब्ध रहने छ । उक्त इन्जिनले १०० पीएस पावर र २०० एनएम टर्क प्रदान गर्छ । कम्पनीले यसमा ५ स्पीड म्यानुयल र अटोमेटिक गियरबक्स दिने अनुमान गरिएको छ ।
