काठमाडौं । टाटा मोटर्सको ‘द ग्राण्ड स्विच एक्सचेन्ज क्याम्प’ सुरू भएको छ । टाटाको नेपालका लागि आधिकारिक वितरक सिप्रदी ट्रेडिङ प्रालिले जेठ १ गतेदेखि उक्त एक्सचेन्ज क्याम्प सुरू गरेको हो ।
कम्पनीले आधुनिक, सुरक्षित र विद्युतीय सवारी साधनतर्फ आकर्षित गर्ने उद्देश्यले उक्त क्याम्प आयोजना गरेको हो । जेठ ३ गते (आज)सम्म संचालन हुने उक्त क्याम्पमा ग्राहकले विभिन्न आकर्षक सुविधा पाउने छन् ।
द ग्राण्ड स्विच एक्सचेन्ज क्याम्प अन्तर्गत ग्राहकहरूले नगद छुट, उत्कृष्ट एक्सचेन्ज मूल्यांकन, निःशुल्क आजीवन डीसी फास्ट चार्जिङ, निःशुल्क एक्सेसरिज, निःशुल्क वार्षिक सवारी कर र निःशुल्क होम चार्जिङ जडान सुविधा पाउने छन् ।
यस एक्सचेन्ज क्याम्पमा टाटा मोटर्सका विभिन्न लोकप्रिय विद्युतीय तथा आइसिई सेगमेन्टका मोडलहरू उपलब्ध हुनेछन्। ग्राहकहरूले आफ्नो पुरानो सवारी साधन साटेर नयाँ टाटा गाडी सहज रूपमा खरिद गर्न सक्ने व्यवस्था गरिएको कम्पनीले जानकारी दिएको छ ।
एक्सचेन्ज मूल्यांकन सुविधा भने सिप्रदी एस्योर्ड प्रालिद्वारा प्रदान गरिनेछ । ग्राहकहरूले देशभरका टाटाका शोरुमबाट उक्त अफरको लाभ लिन सक्नेछन् ।
