यामाहाले कुन मोटरसाइकलमा कति बढायो मूल्य (सूचीसहित)

काठमाडौं । यामाहा मोटरसाइकलको लागि आधिकारीक बिक्रेता मोरङ अटो वर्कसले नयाँ मूल्यसूची सार्वजनिक गरेको छ । 

नयाँ मूल्यसूची अनुसार यामाहाको सबैभन्दा बढी विक्री हुने यामाहा एफजेडएस–एफआई १५० सीसीको मूल्य ९ हजार रुपैयाँले बढाएको छ । यसअघि २ लाख ६५ हजार ९०० मा बिक्री वितरण भइरहेको यो मोडलको मूल्य अब २ लाख ७४ हजार ९०० भएको छ । 

त्यसैगरी एफजेडएस–एसईको मूल्य २ लाख ६९ हजार ९०० बाट ९ हजारले वृद्धि गरी २ लाख ७८ हजार ९०० बनाइएको छ । कम्पनीले १५० सीसी क्षमताका मोटरसाइकलमा ९ हजारले मूल्य बढाएको छ ।

त्यसैगरी कम्पनीले कम्पनीले १२५ सीसीसम्मका मोटरसाइकल र स्कुटरमा ७ हजार रुपैयाँले मूल्य बढाएको छ । 

कम्पनीले सबैभन्दा बढी आर थ्री मोडलमा मूल्य बढाएको छ । ३२१ सीसी षमताको यो बाइकमा सरकारले बजेट मार्फत अन्तःशुल्क र सडक दस्तुरमा कर बढाएकाले यसको मूल्य धेरै बढेको हो ।

यसअघि ८ लाख ९५ हजार ९०० रुपैयाँमा बिक्री हुँदै आएको यो बाइकको मूल्य अब ९ लाख २४ हजार ९०० रुपैयाँ भएको छ । यसमा कम्पनीले २९ हजारले मूल्य बढाएको छ । 

यस्तो छ कम्पनीले यामाहा मोटरसाइकल र स्कुटरमा साउनदेखि लागु गरेको मूल्यसूची ।