२० औँ सताब्दीमा क्लासिक डिजाइन कार निर्माणको लागि चर्चामा रहेको स्पेनिश अटोमोबाइल्स कम्पनी हिस्पेनो सुइजाले इलेक्ट्रीक सुपरकारलाई विश्वबजारमा ल्याउने तयारी गरेको छ । कम्पनीले कार्बन फाइबरबाट निर्माण भएको इलेक्ट्रीक सुपर कार ‘कारम्यान’ कन्सेप्ट मोडल तयार पारेको हो । यसको कन्सेप्ट मोडल यहि महिना सार्वजनिक गर्ने तयारी भइरहेको कम्पनीले जनाएको छ ।
यसले ३ सेकेन्डको समयमा १०० किलोमिटर रफ्तार पकड्ने कम्पनीले जनाएको छ । यसमा उपलब्ध पावरफुल इलेक्ट्रीक मोटरले १००५ बीएचपी पावर उत्पादनको क्षमता राख्छ ।
दोस्रो विश्वयुद्धको समयमा कम्पनीले उक्त कारको उत्पादन बन्द गरेको थियो । दुई सिट क्षमताको उक्त कारको लम्बाई ४.७ मिटर रहेको छ भने, यसमा टप एन्ड लक्जरी कारको बिशेषता प्रदान गरिएको छ ।
यसको टपस्पीड क्षमता २५० किलोमिटर प्रतिघन्टा रहेको छ । रेसिङ्ग कारको फर्मुला ई–ब्याट्री कारमा प्रयोग गरिएको छ । यस दिइएको पछाडिको टायरले पावर प्रदान गर्छ । यसको तौल १६९० किलोग्राम रहेको छ । यसको पहिलो प्रटोटाइप भर्सन भने सन् १९०० मा उत्पादन गरिएपनि प्रडक्सन भर्सन भने उत्पादन गरिएको थिएन ।
यो संसारकै पहिलो इलेक्ट्रीक कार भएको कम्पनीले दबी गरेको छ । कारम्यान क्यु ईभी टेकनिकद्धारा निर्माण गरिएको हो । कम्पनीले झन्डै ७० वर्षसम्म उक्त कारको उत्पादन बन्द गरेको थियो ।
