काठमाडौं । बेनेली नेपालले मोटरसाइकल तथा स्कुटर खरिदमा विशेष अफर ल्याएको छ ।
नेपालका लागि बेनेलीको आधिकारिक बिक्रेता वैद्य ग्रुपले एसईई दिएका विद्यार्थीसहित सम्पूर्ण ग्राहकलाई लक्षित गर्दै आकर्षक योजना ल्याएको हो ।
यस योजना अन्तर्गत ग्राहकहरूले बेनेलीको स्कुटर र मोटरसाइकल खरिदमा भारी छुट पाउने छन् । ग्राहकले बेनेली पानारिया १२५ स्कुटरमा ४० हजार रुपैयाँ र बेनेली १८० एस मोटरसाइकलमा ५५ हजार रुपैयाँ छुट पाउने भएका हुन् ।
कम्पनीले यसअघि २ लाख ९९ हजार ९०० रुपैयाँ बिक्री गर्दै आएको पानारिया १२५ स्कुटर अब २ लाख ५९ हजार ९०० रुपैयाँमै दिने भएको छ । त्यस्तै, ४ लाख ३९ हजार ९०० रुपैयाँमा बिक्री गर्दै आएको बेनेली १८० एस मोटरसाइकल अब ३ लाख ८४ हजार ९०० रुपैयाँमा खरिद गर्न सकिने कम्पनीले जनाएको छ ।
साथै, ग्राहकले २ वर्षसम्म निःशुल्क सर्भिसिङ सुविधा पाउने छन् । जसमा कम्पनीले २ वर्षसम्म सम्पूर्ण लेबर चार्ज, ल्युब, इन्जिन आयल, आयल फिल्टर र फ्युल फिल्टर समेत निःशुल्क उपलब्ध गराउने छ ।
त्यसैगरी, ग्राहकले ५ वर्षसम्म स्पेयर पाट्र्समा २५ प्रतिशतसम्म छुट पाउने कम्पनीले जनाएको छ । कम्पनीका अनुसार यो अफर सीमित अवधिसम्म बेनेलीका देशभरका शोरुमहरू लागू हुनेछ ।
कम्पनीका अनुसार यो योजना नेपालमै बेनेलीले ल्याएको सबैभन्दा आकर्षक तथा ग्राहकमैत्री अफर मध्ये एक हो। यस अफरले युवा पुस्ता तथा दैनिक प्रयोगकर्तालाई गुणस्तरीय इटालियन ब्राण्डको अनुभव सहज मूल्यमा उपलब्ध गराउने लक्ष्य राखेको कम्पनीको भनाइ छ ।
