काठमाडौं । फागुन महिनामा ८२४ युनिट विद्युतीय चार पाङ्ग्रे साधन नेपाल आएका छन् । भारत र चीनबाट मुख्यतया विद्युतीय कार आयात भएका हुन् ।
भन्सार विभागले जारी गरेको फागुन महिनाको आयात तथ्यांक अनुसार चालु आर्थिक वर्षको ८ महिनामा ७ हजार ८० युनिट विद्युतीय चार पाङ्ग्रे साधन आयात भएको हो । माघ महिनासम्ममा ६ हजार २५६ युनिट आयात भएको थियो ।
फागुनमा पेट्रोल कारको आयात पनि निकै बढेको देखियो । फागुन महिनामा मात्रै ५७७ युनिट पेट्रोलियम पदार्थबाट चल्ने र हाइब्रिड कारको आयात भएको देखिन्छ ।
चालु आर्थिक वर्षको ८ महिनामा २९८५ युनिट पेट्रोलियम पदार्थबाट चल्ने चार पाङ्ग्रे साधन आयात भएको छ । उक्त तथ्यांकमा एम्बुलेन्स पनि जोडिएको छ ।
