काठमाडौं । रसुवाको ल्हेन्दे खोलामा आएको भीषण बाढीका कारण काठमाडौंबाट चार जिल्ला जाने सवारी साधनलाई रोकिएको छ ।
ट्राफिक प्रहरीले काठमाडौंबाट रसुवा, नुवाकोट, धादिङ र चितवन जाने सवारीसाधान रोकेको हो ।
काठमाडौं उपत्यका ट्राफिक प्रहरी कार्यालयका एसपी नरेशराज सुवेदीले बाढीलाई मध्येनजर गर्दै चार जिल्लामा जाने सवारीलाई काठमाडौंमै रोकिएको बताए ।
नदीमा ठूलो बाढी आएकाले सावधानी अपनाइएको उनको भनाइ छ ।
